Borifi bya go Tšwa ga Mogoba wa go Lawola
“Di nyaka le be mathitšere.” (Maheb. 5:12) O fo nagana nje! Jehova—yene wa gore ke Thitšere ya go feta mathitšere ka mokana ga wona legedimong le lefaseng—o mema rune gore re tšhutise batho ba bangwana ka yene! Mmereko wo mongwana le wo mongwana wa go tšhutisa batho nnete ka Jehova—ka mutšing, ka phutegong kela tšhomong—ke mmereko wa gabutši ka matla fote a yi wa go kgana. Nje re ko di kgoneng?
Phetolo re yi kraya ga mantsu ya Pawulo wa lepostola, o yye a ngwalela Thimothi a re: “Ariye mahlong o kene o karakara mo o balela batho ba go tlala, mo o yeletsa le mo o tšhutisa.” Pawulo o tokegiye se sengwana gana hone, a re: “Mo o maka tsotsone, o nyoko phonisa wene beng, wa boya wa phonisa le bo ba go theetseleng.” (1 Thim. 4:13, 16) Wene o tšiba ditaba, byalo ditaba tsone o di botse ba bangwana gore ba thogo kraya lephelo la go ya go yye. Byalo ganya dikobo gore o thogo lokotša mabalelo yago le matšhutiselo yago. Mmereko wa sepukwane sowa ke go go gelepa gore o thogo segelela tsotsone. Tla re boneneng gore ka ho teng ga sona go na le ying.
Ga lephephe le lengwana le le lengwana go nyarela lengwalo, go ka fo ba go le tšhiko ya ka Baebeleng ya go yelana le taba yone go bolabodiwang ka yona kela mošupetso wa gore taba yone o ka yi maka-maka byang
Jehova ke “Thitšere ye Kgolo.” (Jes. 30:20) Sepukwane sowa se nyoko go gelepa, le wene o ko tikweng gore mabalelo le matšhutiselo yago ma kene maa lokotšega, mara o sa tsoge o lebele gore mong wa ditaba tsowa ke Jehova fote ke yene a gogang batho. (Joh. 6:44) Byalo, mo rapele o sa fetse, o kgopele gore a go neye moya wa go hlawolega. Berekisa Lentsu la Modimo gatleletlele. O sa make gore go thanakiwe wene, maka gore go thanakiwe Jehova. Leketsa go tikisa dipelo tsa bo ba go theetseleng gore ba kwe ba mo nyaka ka matla ga Jehova.
Ditaba tso o tshwaneleng go di tšhutisa ke tse dikgolo ka matla fote a baa tlala bo ba di tšhutisang. Re tšiba gabutši gore o nyoko phomelela mo o ka fo ya mahlong o kene o tshepiye “matšhika ya gore ma tšwa ga Modimo.”—1 Pet. 4:11.
Re na le lune ga tso tsa go tšhutisa,
Mogoba wa go Lawola wa Dihlatse tsa Jehova