SETŠHUTO 02

Bhayibele yi re ku Mahlong go sa Nyoko Natefa

Printed Edition

Mo tsa lephelo di gakga, batho baa kgongwela, baa šekela fote ba kwa go sasamela. Ayitsano tsa mohlobo wonone di yye dya go tlela? Mo re bolabola re yitsa, o ka kraya o lwala ka matla kela o hlokofalele ke wa genu kela lešaga. O ka fo ba o tiputsisa gore, ‘Anthe re nyoko khutsa leng barena?’ Bhayibele yi fetola putsiso yone ya šala yi yediye.

1. King sa gore Bhayibele yi re se sa nyoko natefa ku mahlong?

Bhayibele ya re hlatollela gore ke ntaba lefase lowa le fagaganne ka mokgo, mara fote yi re botsa ditaba tsa go bafala tsa gore tsone ka moka di thina le go fela. Bhayibele yi re tshepisa “tsa gabutši tsa ku mahlong fote yi re neya tshepo.” (Bala Jeremiya 29:11, 12.) Tso yi di tshepisang di maka gore re sa nape re kwa mathatha ya rune ma roba ka matla, re fo kwa re kgibiye le go tikwa re jabodiye.

2. Ke tsa mohlobo mang dilo tso Bhayibele yi reng ke tsa go natefa tsa ku mahlong?

Bhayibele mo yi hlatolla tsa ku mahlong yi re “malikgu ma ko ba ma sa sa le šiyo, kela go lla kela go gotla kela go kwa go baba, dilo tsa botala di fitiye.” (Bala Kutullo 21:4.) Di ko ba di sa sa le šiyo dilo tsa go maka gore lephelo le tooke, tsa go tshwana le go gayela tsa go ja, go makiwa lešidi, malwele le malikgu. Bhayibele yi tshepisa gore batho ba nyoko tikwisa ka lephelo go ya go yye Pharadeyising ho lefaseng.

3. O ka maka byang gore le wene o di tshepe tso Bhayibele yi di tshepisang?

Batho ba go tlala baa nabela gore go makege dilo tsa gabutši, mara ba fo re aritši, kela di ka makega mo le hlabiye kakaye. Tso Bhayibele yi di tshepisang a di tshwane le tse dingwana. Mo re ka fo “nyakolla Mangwalo gabutši,” re ko tikwa le rune gore re thomisa go tshepa tso yi di bolabolang. (Mebereko 17:11) Mo o kene o tšhuta Bhayibele, di gago gore o ko di tshepeng kela o ka sa di tshepe tso yi reng di nyoko makega ku mahlong.

KENELELA

Nyakolla tse dingwana tso Bhayibele yi reng di nyoko makega ku mahlong. O ko boneng gore tso Bhayibele yi di tshepisang di gelepa batho ka mokgo mang lekgono.

Dithombhe: Dilo tso di makegang tsa go sa tshwane tso batho ba gahlanang natso lekgono le seyemo sa tso Bhayibele yi di tshepisang ku mahlong. Dilo tsone di nyarela fote ka ho tlase.

4. Bhayibele yi re tshepisa gore re nyoko phela go ya go yye go sa sa na tsa go re kwisa go baba

Lebelela dilo tsa go latela tso Bhayibele yi di tshepisang. Wene o jabodisa ke difeng ka matla? Ke ntaba o reyane?

Bala mangwalo ya ma leng ka nthoko ga tso di tshepisiwweng ke mokane o nagane ka diputsiso tsowa:

Nje o kwa nkare wa di tshepa tso mangwalo yawa ma di hlayang? Ayitsano o bona nkare ma ka gelepa ba genu, mašaga le banghana bago gore le bona ba di tshepe?

O fo nagana o dula ga lefase la gore:

AA ŠIYO LE KA WWEŠI . . .	BATHO KA MOKANA GA BONA . . .
ye a nyoko kwang go baba, a nyoko tsofalang kela go kgwa.—Jesaya 25:8.	ba nyoko bona mašaga ya bona ya ma hlokofeleng ma tsusiwa gore ma tle ma phele fote ho lefaseng.—Johane 5:28, 29.
ye a nyoko lwalang kela go golofala.—Jesaya 33:24; 35:5, 6.	ba nyoko philega fote ba nyoko kwa ba tiyelele.—Jobo 33:25.
ye a nyoko makiwang lešidi.—Jesaya 32:16, 17.	ba nyoko ba ba na le tsa go ja tsa go tlala, dintlo tsa gabutši fote ba nyoko bereka mmereko wa go sa babe wa gore wa kgotsofatsa.—Pisalema 72:16; Jesaya 65:21, 22.
ye a nyoko kwang go sasamela ka taba la ntwa.—Pisalema 46:9.	ba nyoko dula ba bebiye.—Pisalema 37:11.
ye a nyoko hlupang ke dilo tso a di naganang tsa go baba.—Jesaya 65:17.	ba nyoko phela go ya go yye ba sa hlupi ke selo.—Pisalema 37:29.

Mošomanyana wa gore ne a lwala o šele a fodiye ke mokane o tlaparela mmane wage.

Monna wa gore ne go šele go le mokgalabe gana byalo o šihliye fote o tšhofa lebhara la gore le tlele ka tsa go ja tsa mašomong.

5. Tso Bhayibele yi di tshepisang di ka tšhentšha tsa go tlala

Batho ba go tlala ba kwa ba kgongwela kela go kwata mo ba bona mathatha ma fo yeketsega. Ba go tlala baa karakara gore ba potolle hala le hala gore go be kawone. Bhayibele yi re dilo di nyoko loka, lebelela gore tsotsone di gelepa batho ka mokgo mang gana byalo. Kgana VIDIYO ke mokane le petapete ka diputsiso tsa go latela.

VIDIYO: Ne ke Tikemisele go Lwela Batho ba go Makiwa Lešidi (4:07)

Dithombhe:Dipetlo sa go tšwa ga vidiyo ya ‘Ne ke Tikemisele go Lwela Batho ba go Tshwariwa Bošidi.’ 1. Rafika o bunne mawisi a na le batho ba mohlobo wa gabo mo a sa le ye monyana. 2. Rafika o jabodisa ke go bona batho ba mehlobohlobo ba kwana mo a sa thomisa go ya mogahlanong wo mogolo wa Dihlatse tsa Jehova.

Mo ga vidiyo yowa, Rafika ke mo a hlupa ke bošidi bya mošaga mang?
Tsa go makiwa lešidi tso ne a di bona a di ya fela, mara Bhayibele yi mo gelepiye ka mokgo mang?

Tso Bhayibele yi di tshepisang di ka re gelepa gore re sa sa kwa re kgongwele le gore re sa khwanyudisi le mo re na le mathatha. Bala Diyema 17:22 le Maroma 12:12, ke mokane le petapete ka diputsiso tsowa:

Mo o lebelele, o bona nkare dilo tso Bhayibele yi di tshepisang di ka go gelepa gore lephelo lago le be kawone gana byalo? Ke ntaba o reyane?

BATHO BA BANGWANA BA RE: “Tso Bhayibele yi di tshepisang ke setori.”

Ke ntaba di le gabutši gore o tinyakollele wene mong?

MONOPO

Bhayibele yi re re nyoko jabola ku mahlong, tsotsone di maka gore re ngangarele ga tso re di tshepang le go fo tiyisela le mo go baba.

Tigopotse

Ke ntaba di nyaka gore batho ba tšibe dilo tso Modimo a di tshepisang?
Bhayibele yi re king ka tsa ku mahlong?
Go tshepa dilo tso di nyoko makegang ku mahlong go ka go gelepa ka mokgo mang gana byalo?

Setšhuto sowa o fetsiye go se bala ka dikaye:

Maka tsowa ša

Bala ditemanyana tso di leng ga setšhuto sowa gore o thogo tšiba dilo tso Bhayibele yi di tshepisang.

Tse dingwana:

Your other goal

NYAKELA

Tšhuta tsa go tlala tsa go šupetsa gore go tshepa dilo go ka go gelepa ka mokgo mang.

“Tshepo—O ka yi Kraya Kaye Mara?” (Hlahlama! ya April 22, 2004)

Lebelela gore go tshepa tso di nyoko makegang ku mahlong go ka ba gelepa byang bo ba go ba le malwele ya go sa yalafege.

“Ayitsano Bhayibele yi ka go Gelepa mo o na le Bolwele Bya go sa Yalafege?” (Hlogotaba ya gore yi nyarela ga wepsayete)

Mo o kene o lebelele koša yowa, tipone o na le ba mutši wago le šele le tikwisa ka go phela ga Pharadheyisi yo Bhayibele yi yi tshepisang ku mahlong.

Nagana Tsa ku Mahlong (3:37)

Bala ka mokgo lephelo la morene mongwana wa go lwela gore batho ba tshwariwe gabutši le tšhentšhiyeng ka nthago ga go tšhuta ka tso Bhayibele yi di tshepisang ka tsa ku mahlong.

“Ke Tšwile ga Taba ya go Nyaka go Tšhentšhana le Lefase” (Sewokamelo sa July 1, 2013)