Modimo o re King ka Madi?

Madi ke selo se segolo. Mo o se na madi, o ka sa phele. Modimo ke yene ye a ka re botsang gore madi re ka ma berekisa byang, ka taba la gore ke yene ye a makiyeng dilo ka mokana ga tsona. O yitseri king ka madi? Ayitsano re ka ma ja kela ra ma tšhela ho mmeleng? Fote wene o ka maka byang gore o segelele sepheto sa gabutši ga taba yowa?

1. Jehova o re king ka madi?

Jehova o butsiye malata yage ya ku botala gore: “Lephelo la selo se sengwana le se sengwana ke madi ya sona.” (Lefitiko 17:14) Ga Jehova, madi ke setšha go le lephelo. Akere lephelo ke selo sa go hlawolega so Modimo a re neyyeng sona, madi le wona ma hlawolegiye.

2. Ga taba yowa ya madi, king sa gore Modimo wa se rakela?

Jehova o butsiye malata yage ya ku botala gore ma sa ji madi. (Bala Genesi 9:4 le Lefitiko 17:10.) Taba yone o napiye a yi šihlela mo mogoba wa go lawola wo botsa Makreste gore ma ‘kganele kgole le madi.’—Bala Mebereko 15:28, 29.

Di ra gore king go kganela kgole le madi? Mo togotela yi ka fo go botsa gore o kganele kgole le mokgete, akere o ka sa wo nwe. Nje o ka di ja tsa go ja tsa gore di na le mokgete kela wa wo hlabela ho mmeleng? Le ka gonyana. Byalo mo Modimo a re re kganele kgole le madi, tsotsone di rela gore re sa nwe madi kela ra ja nama ya phoolwane ya gore a baa yi ntsha madi. Le tsa go ja tsa gore ba di tšhediye madi, le go leka re sa di leke.

Taba ya go yalafiwa go berekisiwa madi gee? Mekgwa ye mengwana ya go yalafa yi taka molawo wa Modimo. Wowa ke mokgwa wa go yalafa wa gore ba tseya madi ya go felegelela kela se sengwana sa dikgero tse dikgolo tsa madi ke mokane ba di tšhela batho, dilo tsone ke disele tse dikhubedu (red cells), disele tse ditšhwewu (white cells), disele tsa go maka gore madi ma gahle (platelets) le disele tso go leng masole ho mmeleng (plasma). Mekgwa ye mengwana ya go yalafa a yi nape yi tišupa gore a yi kwane le melawo ya Modimo. Mo re beyisa, ga mekgwa ye mengwana, ba berekisa dilo tse dinyana tso ba di ntshiyeng ga dikgero tse dikgolo tsa madi. Ga mekgwa ye mengwana, ba yalafa motho ba berekisa madi ya yene mong. Gore o segelela sepheto sa mohlobo mang ga dilo tsowa, di ya ka motho.a—Magalata 6:5.

KENELELA

3. Kgeta go yalafiwa ka mokgwa wa gore wo jabodisa Jehova

Wene o ka hlawola byang mokgwa wa go yalafiwa wa gore Modimo o kwana nawo? Kgana VIDIYO, ke mokane le petapete ka gore ke ntaba di nyaka o make dilo tsowa tsa go latela:

VIDIYO: Ka Mokgo o ka Segelelang Sepheto sa Gore o Yalafiwa Byang mo go Nyarela Taba ya Madi (5:47)

• Rapelela gore o hlalefe.—Jakobo 1:5.

• Nyakolla ditšhiko tsa Bhayibele le gore o ka di berekisa byang.—Diyema 13:16.

• Nyakolla gore ba go yalafa ga poleke yo wene o dulang ga yona ba berekisa mekgwa yifeng.

• Hlaya gore ke mekgwa yifeng ya gore wene o ka sa yi yamogele.

• O bone gore so o se hlawolang se sa kwaletse lekwalo lago.—Mebereko 24:16.b

• O sa lebale gore sepheto ga taba yowa ke sa wene mong, a go na ye a kenang, le mong monna kela mosadi wago, mogolo kela ye a go tšhutisang Bhayibele.—Maroma 14:12.

• Sepheto so o se segeleleng o se ngwale fase.

4. Dihlatse tsa Jehova di nyaka go yalafiwa ka mokgwa wa kawone ka matla

Ga taba ya madi, di ya kgonega gore o ngangarele molawo wa Modimo o boye o yalafiwe ka mokgwa wa gore a go berekisiwi madi. Kgana VIDIYO.

VIDIYO: Polabodisano le Phrofesa Massimo P. Franchi, M.D. (1:36)

Bala Tito 3:2, ke mokane le petapete ka putsiso yowa:

• Ke ntaba di nyaka re tipeye fase fote re berekisane gabutši le bo ba tsa go yalafa?

A di yamogelege	Mokreste a tikgetele
A. Disele tso go leng masole ho mmeleng	Ditlopo tsa disele tso go leng masole ho mmeleng
B. Disele tse ditšhwewu	Ditlopo tsa disele tse ditšhwewu
C. Disele tsa go maka gore madi ma gahle	Ditlopo tsa disele tsa go maka gore madi ma gahle
D. Disele tse dikhubedu	Ditlopo tsa disele tse dikhubedu

5. Mo ditlopo tsa madi di berekisiwang gona

Madi ma na le dikgero ka dine: ke disele tse dikhubedu, disele tse ditšhwewu, disele tsa go maka gore madi ma gahle le disele tso go leng masole ho mmeleng. Dikgero tsowa di na le dilo tse dinyana tsa go tlala ka ho teng, go leng ditlopo.c Ditlopo tse dingwana ba di berekisa go maka dihlare tsa go yalafa malwele kela go gelepa gore motho a sa sa tšwa madi.

Ga taba yowa ya ditlopo tsa madi, Mokreste ye mongwana le ye mongwana di nyaka a segelele sepheto sa yene mong a kene a yetetsa ke lekwalo lage la gore o le tšhutisiye Bhayibele. Ye mongwana a ka gana mokgwa wa go yalafa wa gore ba berekisa ditlopo tsone tsa madi. Ye mongwana a ka re yene lekwalo lage a le mo kokone, ke mokane a kgeta go yamogela ditlopo tsone.

Mo o segelela dipheto, nagana ka putsiso yowa:

• Ke nyoko re king ho ke hlatollela togotela gore ke ntaba ke gana ditlopo tse dingwana tsa madi kela ke dumela tse dingwana?

MONOPO

Jehova o nyaka re kganela kgole le taba ya go sa berekisi madi gabutši.

Tigopotse

• Ke ntaba Jehova a re madi ma hlawolegiye?

• Re di tšibela kaye tsa gore mo Modimo a re re kganele kgole le madi o rela le taba ya go ma tšhela le ho mmeleng?

• O ka maka byang gore o thogo segelela dipheto tsa gabutši ga taba ya go yalafiwa ba berekisa madi?

NYAKELA

Ke dilo difeng tso o tshwaneleng o nagane ka tsona mo o segelela dipheto ga taba ya gore ba go yalafe ka madi ya wene mong?

“Diputsiso Tsa bo ba Šeleng ba Badiye” (Sewokamelo sa October 15, 2000)

Di nyaka o nagane ka ying mo o segelela sepheto sa gore o nyoko yamogela ditlopo tsa madi kela awwa?

“Diputsiso Tsa bo ba Šeleng ba Badiye” (Sewokamelo sa June 15, 2004)

King so se makiyeng gore togotela ye nngwana yi dumele gore molawo wa Jehova ga taba ya madi wa kwagala?

“Ke Yamogele ka Mokgo Modimo a Tseyang Madi” (Hlahlama! ya December 8, 2003)

Tšhuta gore bagolo bo ba berekang ga Komiti ya Tsa go Berekisana le Dipetlele ba thega magageru ka mokgo mang.

Jehova o Thega ba go Tilwalela (10:23)