O ka Maka Byang Gore Baebele yi go Tiyise?

1. Batho ba Jehova ba ka rula ke dilo tsa mošaga mang?

AYITSANO o na le dilo tso di go kgahleletsiyeng, o kwa o šitega le go wona? Di ka makega gore o tlokolanne le ye mongwana ka ho phutegong. (Jak. 3:2) Kela bo o kenang nabo sekolo kela o berekang nabo ba fo ba ba kene ba go poyilanya ka taba la gore o berekela Jehova. (1 Pet. 4:3, 4) Nakwenngwana ka mo mutšing kela mašaga yago ba go kenelele ba re o lesetse go ya megahlanong kela go tšhomayela batho ba bangwana. (Mat. 10:35, 36) Mo ba kene ba go thonoga o kwa go sasamela, o ka fo kwa nkare o ka lahla tewu. O sa kamake gore Jehova o nyoko go hlalefisa gore o segelele dipheto tsa gabutši, o nyoko go neya le matšhika gore o thogo tiyisela ga tso di go rulang.

2. Maroma 15:4 yi re go nyoko makega ying mo motho a bala Baebele?

² Ka ho Baebeleng, go na le batho ba gore le bona a baa felegelela ba gore ba yye ba logela ga tsa go baba, Jehova o re thuletsele gore ba makiye ying gore ba thogo tiyisela. Ke ntaba a sa re wutametsela? Gore re tšhute ga bona. Jehova o berekisiye Pawulo wa lepostola gore a ngwale tsotsone. (Bala Maroma 15:4.) Mo re kene re bala ditaba tsowa, di nyoko re kgomoletsa dya boya dya re tiyisa. Mara mo re nyaka gore tso re di tšhutang ka ho Baebeleng di re berekele, a re fo fetsa nje ka go yi bala. Di nyaka re lesetse Baebele yi wolole menagano ya rune, yi re tikise le dipelo. Re ka maka ying mo re nyaka sa go re yetetsa gore re teye re feta ga tso di re kgahleletsang? Re ka maka dilo tsowa ka dine: (1) Rapela, (2) Tipone o le gana hone, (3) Ghayela, ke mokane o (4) Di berekise. Re nyoko tšhuta gore dilo tsowa ka mokana ga tsona re ka di maka ka mokgo mang.b Ke mokane re nyoko berekisa ditsela tsowa gore re tšhute ga tso di yyeng dya tlela Kgoši Dafita le Pawulo wa lepostola.

3. Di nyaka o make ying mo o soko thomisa go bala Baebele, fote ke ntaba di nyaka o make tsotsone?

³ (1) Rapela. Mo o soko thomisa go bala Baebele, kgopela Jehova gore mo o kene o bala a go šupetse tso di ka go gelepang. Mo re beyisa, mo nkare o na le tso di go ghulang, kgopela Jehova a go gelepe gore o kraye ditšhiko tsa Baebele gore o thogo tšwa mo o logeleng gona.—Mafil. 4:6, 7; Jak. 1:5.

4. O ka gelepa king gore so o se balang ka ho Baebeleng se nape se ro go yelela?

⁴ (2) Tipone o le gana hone. Mokgwa wo Jehova a re makiyeng ka wona wa go nagana wo makatsa ka matla. Mo o nyaka gore so o se balang ka ho Baebeleng se nape se ro go yelela, leketsa go tipona o le ga poleke yone, go le wene o makegelang ke dilo tsone. Leketsa go bona dilo tso a di bonneng le go tikwa ka mokgo a ka fo bang a yye a tikwa ka gona.

5. Go ghayela ba ra ying fote o ka go maka byang?

⁵ (3) Ghayela. Go ghayela re ra mo o šila ka ho hlogong ka tso o di badiyeng le gore di ra gore king ho gago. O tseya tso o di tšhutang wa di gahlanisa le tso o šeleng o di tšiba, taba yone ya napa yi re nghwee. Go bala Baebele mara o sa ghayele re ka go tshwanisa le mo o ntshiye dilo tsa mohlobohlobo o re o nyoko di yapega. Mo o ka sa di gahlanisi ka mokana ga tsona ke mokane wa di yapega, di ka sa natefe. Mo o nyaka go ghayela, go na le diputsiso ke tsowa tsa gore o ka tiputsisa wa boya wa tifetola wene beng: ‘Motho ye ke balang ka yene o bo lukise byang bothatha byage? Jehova o mo gelepiye byang? Tso nna ke di tšhutiyeng ho gage di ka n’gelepa byang gore ke tiyisele ga tsa go nghula?’

6. Ke ntaba di nyaka re berekise tso re di tšhutang?

⁶ (4) Di berekise. Jeso o yitseri mo re tšhuta mara re sa di berekisi, re fo titshwanela le morenela wa go yaga ntlo santeng. Monna yewa o šinya a bhahla, mara o fo berekela mahala wa tšiba. Ke ntaba? Ka taba la gore mo go tla sedingwane le pula ya mogogola, di nyoko suwelanya ntlo yone. (Mat. 7:24-27) Ho le rune re rapela, re tipona re le ga poleke yone re boya re ghayela mara re sa berekisi tso re di tšhutang, re ko fo ba re tshwere ya go kgana. Mo re tlela ke tsa go baba kela re hlorisiwa, o ka kraya tumelo ya rune yi tekateka. Mara mo re berekisa tso re di tšhutang, re ko thogo segelela dipheto tsa gabutši, re ko fo ya re kene re beba fote re ko kweng le tumelo ya rune yi tiyelela. (Jes. 48:17, 18) Tla re boneneng gore mo re berekisa dilo tso re sa tšwang go bolabola ka tsona ka dine, re ka tšhuta ying ga tso Kgoši Dafita a fitiyeng ga tsona lephelong.

O KA TŠHUTA YING GA KGOŠI DAFITA?

7. Gana byalo re nyoko bolabola ka mang wa ka ho Baebeleng?

⁷ Ayitsano o na le monghana kela lešaga la gore le yye la go sepela ka fase? Mo nkare go ka mokgonone, o ka tšhuta se sengwana mo o ka bala ka morwayi wa Kgoši Dafita ye ba reng ke Absalomo, wa gore o yye a sepela papage ka fase a boya a leketsa go mo ketola setulong.—2 Sam. 15:5-14, 31; 18:6-14.

8. O ka maka ying mo o nyaka Jehova a go thuša?

⁸ (1) Rapela. Mo o kene o naganne ka taba yone o yi badiyeng, thuletsela Jehova gore so motho yene a go makiyeng sona se go kwaletsiye go segela kaye. (Pis. 6:6-9) Korola taba. Ke mokane o mo kgopele gore a go gelepe o thogo bona ditšhiko tsa gore di nyoko go yetetsa mo o kene o leketsa go lukisa bothatha byone.

9. Mo o fo re ngathela ditaba tso di yyeng dya makega ga Dafita le Absalomo, wene o ka di hlatolla byang?

⁹ (2) Tipone o le gana hone. Nagana ka tso di makegang howa, ke mokane o tiputsise gore di mo tshwere byang ga Kgoši Dafita. Morwayi wa Dafita ye ba reng ke Absalomo o karakara ka mengwaga ya go tlala a leketsa gore batho ba kwane naye ka matla. (2 Sam. 15:7) Mo Absalomo a di bona gore batho ba šele ba kwana le tsage ka matla, o romela batho gore ba ye mo hlolela Israyele yela ka moka le gore ba kutšetsele batho gore ba kgete yene gore a ba lawole. Le mong banghana ba bagolo ba Dafita, bo ba go mo yeletsa, o ba kutšetsela gore ba mo jikele, ye mongwana ba re ke Ahitofele. Absalomo ke yenene o botsa batho gore yene ke yene kgoši, ke mokane o leketsa go tshwara Dafita gore a mmolaye, ka nako yone nkare Dafita ke mo a lwala ka matla. (Pis. 41:1-9) Dafita wa di kwelela ke mokane a tšhaba Jerusalema. Di feleletsa ka gore masole ya Absalomo ma lwe le masole ya go tshepega ya Dafita. Masole yala ya gore ma jikele Dafita baa ma hlula, ke mokane morwayi wa Dafita ye ba reng ke Absalomo baa mmolaya.

10. Kgoši Dafita ke mo a ka fo kgeta go maka ying?

¹⁰ Sa go latela, tiputsise gore mo dilo tsowa ka moka di kene di makega, Dafita o tikwa byang mara. Ke mo a mo nyaka ka matla ga Absalomo fote le ga Ahitofele ke mo a mo tshepa. Mara ka babedi ga bona ba yye ba mo sepela ka fase. Ba mo kwisiye go baba ka matla, ba boya ba ro leketsa le go mmolaya. Ke mo di ka makega gore Dafita a sa sa tshepa le banghana bage ba bangwana, a sola gore le bona ba šele ba kenne ke tsa Absalomo. Ka nako yone, ke mo a ka fo tinaganela yene mong, a bona go le kawone gore a fo nyamalala a ntoši. Kela ke mo a ka fo dulela go šekela, a kgongwele. Dafita aa di maka tsotsone. O yi hludiye ntshitshire yowa. O gelepiye king?

11. Dafita o makiye byang mo tsa lephelo di gakga?

¹¹ (3) Ghayela. O ka tšhuta ditšhiko difeng ga taba yowa? Fetola putsiso yowa, “Dafita o bo lukisiye ka mokgo mang bothatha byage?” Dafita aa hlagasela, a yakgoswela go maka dipheto a sa nagana gabutši. Mara fote aa fo phuta matsogo, nkare aa sa tšiba gore a ka kena kakaye. O rapele Jehova gore a mo gelepe. A kgopela le banghana bage gore ba mo gelepe. Mo a fetsa go segelela dipheto, ke mo a sa sa sinya nako. Dafita ke mo a kwile go baba ka matla, mara ke mo a sa duli a kgongwele kela a kwatiye. Ga Jehova le ga banghana bage, aa lesetsa go ba tshepa.

12. Jehova o mo gelepiye byang ga Dafita?

¹² Jehova o mo gelepiye byang ga Dafita? Nyakolla ka taba yone, o ko tšhuteng gore Jehova o neyye Dafita matšhika ya gore a thogo tiyisela ga tso ne di mo ghula. (Pis. 3:1-8; mantsu ya ma leng ka ku kgakala ga tema) Jehova ke mo a rufa dipheto tso Dafita a di segeleleng. Ke mo a thega le banghana ba gore baa tshepega ga Dafita mo ba lwela gore ba kene ba lwela gore ba tšhireletse kgoši ya bona.

13. Mo motho ye mongwana a ka fo go kwaletsa wa kwa go sasamela ka matla, o ka maka byang go šupetsa gore o tseyele ga Dafita? (Matewu 18:15-17)

¹³ (4) Di berekise. Tiputsise gore, ‘Nna nka šupetsa ka ying gore ke tseyele ga Dafita?’ Yakgoswa o lukisa bothatha. Di ko ya ka seyemo, mara o ka maka tsotso Jeso a di hlayyeng ga Matewu tema 18 kela wa maka tsa go yelana natso. (Bala Matewu 18:15-17.) Mara o sa fo tabogela go maka dilo o makisa ke go kwata. Rapela Jehova gore a go gelepe o kgibe, a go hlalefise gore o thogo lukisa bothatha. O sa kraye o šele o sa sa tshepa banghana bago. O sa gane mo ba nyaka go go gelepa. (Diy. 17:17) Se segolo ka matla, maka tso Jehova a go botsang tsona ka ho Baebeleng.—Diy. 3:5, 6.

O KA TŠHUTA YING GA PAWULO?

14. King tsa gore di ka šinya di go tšhofa gore o berekise tso di leng ga 2 Thimothi 1:12-16; 4:6-11, 17-22?

¹⁴ Ayitsano ba hone mutšing wago kela mašaga baa go phigisa? Kela o dula ga naga ya gore batho ba Jehova a ba ba dumelele go maka mmereko wa bona ba lokolugiye kela ba napiye ba rakela dilo ka moka? Mo nkare go ka mokgonone, o ka kgomoletsa ke go bala 2 Thimothi 1:12-16 le 4:6-11, 17-22.c Pawulo o ngwadiye mantsu ya Lengwalo lowa a le jele.

15. O ka kgopela ying ga Jehova?

¹⁵ (1) Rapela. Mo o soko thomisa go bala mangwalo yawa, botsa Jehova bothatha byago le gore o kwa go baba go segela kaye. O sa tshware ku le ku. Ke mokane o kgopele Jehova gore mo o kene o bala ka tso Pawulo a ghulanneng natso, a go gelepe gore o bone ditšhiko tso di ka go gelepang ga bothatha byago.

16. O ka se hlatolla byang seyemo sa Pawulo?

¹⁶ (2) Tipone o le gana hone. Titseye go le wene Pawulo. Ba mo tlemme ka diketane ku jele ya Roma. A yi la mathomo ba mo kwalela jele, mara gana byalo le yene wa di tšiba gore seghwebo sage go nyoko ba likgu. Banghana bage ba bangwana a ba sa yi kena yage, le yene o tinnwe la mafelelo.—2 Thim. 1:15.

17. Pawulo ke mo a ka kgeta go maka ying?

¹⁷ Pawulo ke mo a ka fo dulela go nagana ka tsa ku nthago, a tiputsisa gore ayitsano hala a kgetiye go maka dilo ka mokgo mongwana, nje nke ba sa mo kwalela jele. Ke mo a ka kwatela batho ba naga ya Asia ba gore ba yye ba sa sa tihlupa ka yene, kela banghana bage ba bangwana a ba teyisa moya. Mara Pawulo aa maka dilo tsone. O gelepiye king gore a dule a na le tshepo?

18. Pawulo o makiye ying mo dilo tsowa di mo makegela?

¹⁸ (3) Ghayela. Tiputsise putsiso ke yowa, “Pawulo o lukisiye bothatha byage byang?” Pawulo ke mo a tšhugiye gore o nyoko kgwa, mara aa lebala selo se segolo ka matla—go gadimisa Jehova. Ke mo a sa lesetse go nagana ka ditsela tsa go tiyisa ba bangwana. Ke mo a tisamela ka go dula a rapela Jehova. (2 Thim. 1:3) Ke mo a sa dulele go nagana ka bo ba mo lahliyeng, mara ke mo a leboga banghana bage bo ne ba dula ba mo thegeletsa ka tso ne a di gayela. Go tokegela gana hone, Pawulo ke mo a sa lesetse go bala Lentsu la Modimo. (2 Thim. 3:16, 17; 4:13) Se segolo ka matla ke gore ke mo a sa kamake gore Jehova le Jeso ba mo nyaka ka matla. Bona ke mo ba sa mo lahla fote ba nyoko mo neya patela ya mmereko wage wa gore o wo makiye ka go tshepega.

19. Jehova o mo gelepiye byang ga Pawulo?

¹⁹ Jehova ke mo a butsiye Pawulo gore o nyoko hlorisiwa ka taba la gore go le yene Mokreste. (Meber. 21:11-13) Jehova o mo gelepiye byang ga Pawulo? O fetodiye dithapelo tsa Pawulo a boya a mo tiyisa mo nako yi kene yi ya. (2 Thim. 4:17) Pawulo ke mo a sa kamake gore o nyoko kraya patela yo a karakariyeng ka matla gore a yi kraye. Jehova ke mo a berekisa banghana ba Pawulo gore ba mo gelepe ka tso ke mo a di gayela.

20. O kene o naganne ka Maroma 8:38, 39, o ka mo kopisela byang ga Pawulo?

²⁰ (4) Di berekise. Tiputsise, ‘Nna nka šupetsa ka ying gore ke tseyele ga Pawulo?’ Le rune di nyaka re di tšibe gore go fo tshwana le Pawulo, re nyoko hlorisiwa ka taba la gore re berekela Jehova. (Mar. 10:29, 30) Mo re nyaka gore re dule re sa thogathoge le mo re ghulana le tsa go baba, di nyaka re tisamele ka Jehova ka go mo rapela le go dula re titšhutisa Baebele. Fote re sa lebale gore selo se segolo ka matla ho ga rune ke go gadimisa Jehova. Mo re maka ka mokgonone, re ka tshepa re tiyye gore Jehova a ka sa re lesetse fote a go na le selo ka ssoši so motho a ka se makang sa gore Jehova a sa sa re nyaka.—Bala Maroma 8:38, 39; Maheb. 13:5, 6.

TŠHUTA GA BA BANGWANA BA KA HO BAEBELENG

21. Aya le Hector ba gelepiye king gore ba hlule tso ke mo di ba phika?

²¹ Le mo re ka fo ba re phika ke tsa mošaga mang, re ka tiyisa ke tsa ba bangwana ba ka ho Baebeleng. Mo re beyisa, Aya, wa gore ke mošupatsela ku Japane, o hlayye gore taba ya Jona yi mo gelepiye gore a sa sa tšhaba go tšhomayela ga poleke ya gore go tlele batho. Hector, wa gore o sa gola wa go dula Indonesia wa gore fote babelegi bage a ba berekele Jehova, o tiyisa ke mošupetso wa Ruthi gore a thogo tšhuta ka Jehova le go mmerekela.

22. O ka maka byang gore o tšhute tsa go tlala mo o lebelele diderama tsa Baebele kela o bala dihlogotaba tsa go lategetsana tsa gore “Yekisela Tumelo ya Bona”?

²² O ka yi kraya kaye mešupetso ya ka ho Baebeleng yo yi ka go tiyisang? Dividiyo le diderama tsa rune tsa go theetsela le dihlogotaba tsa go lategetsana tsa gore “Yekisela Tumelo ya Bona,” di ka go gelepa gore tso o di balang ka ho Baebeleng di ro go yelela.d Mo o soko lebelela dividiyo tsowa le go di theetsela, kela go bala ditaba tso tsa gore ba di nyakolliye gabutši, kgopela Jehova a go gelepe gore o kraye tso wene o ka di berekisang. Titseye go le wene motho yene o balang ka yene. Ghayela ka gore malata yawa ya gore Jehova o ma nyaka ka matla, ma makiye ying gore ma thogo hlula tso ke mo di ma ghula. Ke mokane le wene o make tsotsone. Leboga Jehova ka tso a šeleng a go gelepa ka tsona. O šupetse gore o leboga tso a go gelepang ka tsona ka gore le wene o nyake ditsela tsa go tiyisa ba bangwana le go ba thegeletsa.

23. Ga Jesaya 41:10, 13, Jehova o tshepisa gore o nyoko re makela ying?

²³ Go phela ga lefase lowa la go lawola ke Sathane di thathafa ka matla, ka dinako tse dingwana o ka kwa di go yilametsa. (2 Thim. 3:1) Mara re sa tšhabe kela go hlagasela. Jehova wa di tšiba gore re ghulana le dilo tsa mošaga mang. O re tshepisa gore mo re wa, o nyoko re tshwara ka letsogo lage lago ja la go ba le matšhika. (Bala Jesaya 41:10, 13.) Mo re tshepa gore o nyoko ba le rune, Mangwalo ma nyoko re tiyisa gore re thogo hlula dilo ka moka tso di ka re phikang.