Diputsiso Tsa bo ba Šeleng ba Badiye

Ayitsano taba ya go merekiwa yo ba bolabolang ka yona ga 2 Mathesalonika 3:14 yi maka ke bagolo kela batšhomayedi ba phutego?

Pawulo wa lepostola o yye a ngwalela Makreste ya ku Thesalonika gore: “Mo nkare go na le ye a sa theetseleng tso re le botsang tsona ka borifi byowa, motho yene a merekiwe.” (2 Mathes. 3:14) Ku botala, ne re hlayye gore lengwalo lowa ne le ya ga bagolo. Bagolo ke mo ba beyela phutego polabolo ya go ba pasopisa mo nkare ga phutego yonone go na le motho ye mongwana wa gore o fo ya mahlong a takisa maahlo tso Lentsu la Modimo le mo yeletsang ka tsona. Ke mokane batšhomayedi ke mo ba sa fokatse le motho yene wa gore ba mo merekiye.

Mara taba yowa ke mo yi tshwanele go yedisiwa. Gana byalo re šele re ya di kwisisa gore tso Pawulo ke mo a bolabola ka tsona di rela sepheto so Mokreste ye mongwana le ye mongwana a tshwaneleng go se segelela go ya ka seyemo. Byalo, a di sa hlokega gore bagolo ba beye polabolo ya go pasopisa. Ke ntaba mara? Lebelela tso Pawulo ne a bolabola ka tsona nakwela a yeletsa ka taba yowa.

Pawulo o di bonne tsa gore ba bangwana ga phutego yone “a ba make dilo gabutši.” O yye a ba neya mayele ya gore ma tšwa ka Lentsung la Modimo mara ba yye ba gana go ma theetsela. Nakwela a ba vakašele, o yye a ba botsa gore: “Ye a sa nyakeng go bereka, le go ja a sa je.” Mara ba bangwana ne ba sa nyake go bereka gore ba thogo tipasopa le mo yi le gore ne ba kgona go maka ka mokgonone. Fote ke mo ba kenakena ditaba tsa batho. Makreste ke mo ma tshwanele gore ba ba tshware ka mokgo mang bo ba gore a ba make dilo gabutši?—2 Mathes. 3:​6, 10-12.

Pawulo o yitseri, “Motho yene a merekiwe.” Lentsu la Segerika le sipidisana le taba ya go beya motho yene lihlo. Phela Pawulo ne a sa bolabole le bagolo fela mara ke mo a bolabola le phutego ka mokana ga yona. (2 Mathes. 1:1; 3:6) Byalo, Mokreste ye mongwana le ye mongwana wa gore ne a bona mogageru wa monna kela wa mosadi a sa theetsele tso Lentsu la Modimo le re yeletsang ka tsona, ne a lisetsa go ‘nghanelana’ le motho yene wa go sa make dilo gabutši.

Ayitsano tsone di rela gore motho yene ne ba mo tshwara go tshwana le motho wa gore ba mo tlusiye ka phutegong? Awwa, ka gore Pawulo o yitseri: “Ariyeneng mahlong le mo yetetsa go tshwana le mogageru.” Byalo, Mokreste ye mongwana le ye mongwana ne a ka bolabola le ye wa gore o merekiwwe mo ba le mogahlanong wa phutego kela mo ba le tšhomong mara ne ba ka sa fetse nako naye ba tijabodisa. Ke ntaba? Pawulo o yitseri, “Gore a šale a tšebiye.” Ka taba la gore o ko ba a merekiwwe, Mokreste wa gore aa make dilo gabutši o nyoko tšebisa ke tso a di makang ke mokane a tšhentšha mekgwa yage.—2 Mathes. 3:​14, 15.

Makreste lekgono ma ka ma berekisa ka mokgo mang mayele yawa? Sa mathomo, di nyaka re sa kamake gore tso motho yene a di makang ‘a yi tsa gabutši,’ go fo ya ka mokgo Pawulo a hlayyeng. Ke mo a sa bolabole ka batho ba gore ba maka dilo tsa gore lekwalo la rune a le kwane natso mara dilo tsa gona di sa ghulane le ditšhiko tsa Bhayibele kela molawo. Fote ke mo a sa bolabole ka batho ba gore ba nyaka dilo tsa gore a di tshwane le tso rune re di nyakang. Fote ne a sa bolabole ka bo ba gore ba yye ba re kwisa go baba. Mara Pawulo ke mo a bolabola ka bo ba gore ba yye ba fo kgeta go sa theetsele mayele ya go tšwa ka Lentsung la Modimo.

Lekgono, mo nkare re bona mogageru wa monna kela wa mosadi wa gore o fo ya mahlong a sa theetsele mayele ya go tšwa ka Lentsung la Modimo,a re nyoko segelela sepheto sa gore re sa mo meme mo re tijabodisa. Ka gore sepheto sowa ke sa gore motho o se segelela a le ntoši, re ka sa bolabole ka sona le batho ba gore a re duli nabo ka mutšing ka wwoši. Fote re nyoko bolabola le motho yene mo re le megahlanong le mo re le tšhomong. Mo a ka lisetsa tso ne a di maka, re nyoko nghanelana naye fote.