१६ त्यसैले फारोले तुरुन्तै मोसा र हारुनलाई बोलाएर भने: “मैले तिमीहरूका परमेश्‍वर यहोवा र तिमीहरूविरुद्ध पाप गरेँ। १७ बिन्ती छ, यो एक पटक मलाई माफ गरिदेओ अनि ममाथि आइपरेको यो विपत्ति हटाइदिन तिमीहरूका परमेश्‍वर यहोवालाई बिन्ती गरिदेओ।” १८ त्यसैले तिनी* फारोकहाँबाट निस्केर गए र यहोवा परमेश्‍वरलाई बिन्ती चढाए।+ १९ अनि यहोवा परमेश्‍वरले बतास अर्कै दिशातिर फर्काइदिनुभयो र पश्‍चिमबाट ठूलो बतास चल्यो। पश्‍चिमी बतासले सलहहरूलाई हुर्ऱ्याएर लाल समुद्रमा फालिदियो। त्यसपछि मिश्रभरि एउटै सलह बाँकी रहेन।