३ उनीहरूले जवाफ दिए: “तिमीहरूले इस्राएलका देवता यहोवाको करारको सन्दुक फिर्ता पठाउने हो भने त्यसको साथमा उपहार पनि पठाउनू। सन्दुकसितै उहाँको निम्ति दोषभेटी* पठाउन नबिर्सनू।+ तब मात्र तिमीहरू निको हुनेछौ अनि उहाँले किन तिमीहरूलाई अझै सजाय दिँदै हुनुहुन्छ भनेर थाह पाउनेछौ।” ४ यो सुनेपछि पलिस्तियालीहरूले सोधे: “त्यसोभए हामी उहाँलाई दोषभेटीको रूपमा के पठाऔँ त?” उनीहरूले भने: “तिमीहरूले पलिस्तियालीहरूका शासकहरूको सङ्‌ख्याअनुसार+ अल्काई* आकारको सुनका पाँच वटा मूर्ति र सुनका पाँच वटा मुसा पठाउनू। किनकि तिमीहरू र तिमीहरूका शासकहरू सबै एउटै किसिमको रोगले ग्रस्त छौ।