२१ कुनै विषयमा परमेश्‍वरको विचार बुझ्नुपऱ्‍यो भने तिनी पुजारी एलियाजारकहाँ आउनेछन्‌। अनि पुजारी एलियाजार तिनको तर्फबाट यहोवा परमेश्‍वरसामु जानेछन्‌ र ऊरीमको* सहायताले परमेश्‍वरको निर्णय पत्ता लगाउनेछन्‌।+ अनि उहाँले जे आदेश दिनुहुन्छ, सबैले त्यो पालन गर्नेछन्‌। यहोसु, तिनीसँग भएका सबै इस्राएली र पूरै समुदायले त्यो आज्ञा पालन गर्नेछन्‌।”

२८ त्यतिबेला हारुनका नाति, एलियाजारका छोरा पिनहास+ करारको सन्दुकको सामने सेवा गर्थे। ती इस्राएली पुरुषहरूले सोधे: “हाम्रा बिन्यामिनी भाइहरूविरुद्ध युद्ध गर्न हामी फेरि जाऔँ कि नजाऔँ?”+ यहोवा परमेश्‍वरले जवाफ दिनुभयो: “जाओ! किनभने भोलि म तिनीहरूलाई तिमीहरूको हातमा सुम्पिदिनेछु।”

२ यो कुरा सुनेपछि दाउदले यहोवा परमेश्‍वरसित यस्तो सल्लाह मागे:+ “म ती पलिस्तियालीहरूलाई आक्रमण गर्न जाऊँ?” यहोवा परमेश्‍वरले दाउदलाई भन्‍नुभयो: “जाऊ, ती पलिस्तियालीहरूलाई आक्रमण गर र केइलाहलाई जोगाऊ।”

११ केइलाहका नाइकेहरूले* के मलाई साउलको हातमा सुम्पिदिनेछन्‌? अनि तपाईँको यस सेवकले सुनेझैँ के साउल केइलाह आउनुहुनेछ? हे इस्राएलका परमेश्‍वर यहोवा, कृपया तपाईँको यस सेवकलाई बताउनुहोस्‌।” तब यहोवा परमेश्‍वरले भन्‍नुभयो: “हो, ऊ यहाँ आउनेछ।”

६ साउलले यहोवा परमेश्‍वरसित सल्लाह मागे+ तर यहोवा परमेश्‍वरले न सपनामार्फत न ऊरीममार्फत*+ न त भविष्यवक्‍ताहरूमार्फत नै तिनलाई जवाफ दिनुभयो।