२ निर्जनभूमिमा यात्रुहरू बास बस्ने ठाउँ भइदिएको भए,

म मेरा मानिसहरूलाई चटक्कै छोडेर त्यहीँ जाने थिएँ।

किनकि तिनीहरू सबै व्यभिचार* गर्छन्‌;+

तिनीहरू सबै छली छन्‌।

 ३ ताँदो चढाइएको धनु काँड हान्‍न तयार भएझैँ तिनीहरूको जिब्रो झूट बोल्न सधैँ तयार रहन्छ।

तिनीहरूको देश वफादारीले होइन, छलले भरिएको छ।+

“तिनीहरू एकपछि अर्को दुष्ट काम गर्छन्‌,

मेरो कुरामा तिनीहरू पटक्कै ध्यान दिँदैनन्‌,”+ यहोवा घोषणा गर्नुहुन्छ।