२१ यहोवा परमेश्‍वरले मोसालाई अझै भन्‍नुभयो: “पुजारीहरू अर्थात्‌ हारुनका छोराहरूलाई यसो भन्‍नू, ‘तिमीहरूले आफ्ना मानिसहरूमध्ये कसैको मृत्यु हुँदा आफूलाई अशुद्ध नपार्नू।*+ २ तर रगतको नाता पर्ने आफ्नो आमा, बुबा, छोरा, छोरी, दाइ वा भाइको मृत्यु हुँदा चाहिँ तिनले आफूलाई अशुद्ध पार्न सक्छन्‌। ३ साथै तिनीसितै बस्ने तिनकी कुमारी दिदी वा बहिनी विवाह नहुँदै मरिन्‌ भने तिनले उसको निम्ति पनि आफूलाई अशुद्ध पार्न सक्छन्‌।