प्रश्न १
परमेश्वर को हुनुहुन्छ?
“मानिसहरूले जानून् कि तपाईँ, जसको नाम यहोवा हो, सारा पृथ्वीमा तपाईँ मात्र सर्वोच्च हुनुहुन्छ।”
“यहोवा नै परमेश्वर हुनुहुन्छ भनी जान। उहाँले नै हामीलाई सृष्टि गर्नुभएको हो र हामी उहाँकै हौँ।”
“म यहोवा हुँ। मेरो नाम त्यही हो। मेरो महिमा म अरू कसैलाई दिन्नँ; मैले पाउनुपर्ने प्रशंसा मूर्तिहरूलाई दिन्नँ।”
“हरेक जसले यहोवाको नाम पुकार्छ, उसले उद्धार पाउनेछ।”
“हो, हरेक घर कसै न कसैद्वारा निर्माण गरिएको हुन्छ तर सबै थोक निर्माण गर्ने त परमेश्वर नै हुनुहुन्छ।”
“आफ्नो आँखा उठाएर आकाशतिर हेर। यी सब कसले बनाएका हुन्? उहाँले नै होइन र, जसले तिनीहरूका सेनालाई गन्ती गरेर बोलाउनुहुन्छ? उहाँले तिनीहरूलाई नाम काढेरै बोलाउनुहुन्छ। उहाँको अथाह शक्ति र विस्मयकारी सामर्थ्यले गर्दा तिनीहरूमध्ये एउटै हराउँदैन।”