पाठ २०
मण्डलीलाई कसरी व्यवस्थित बनाइएको हुन्छ?
यहोवा गोलमालका परमेश्वर होइन तर व्यवस्थित परमेश्वर हुनुहुन्छ। (१ कोरिन्थी १४:३३, ४०) त्यसैले उहाँका सेवकहरूको समूह पनि व्यवस्थित भएको हामी आशा गर्न सक्छौँ। ख्रिष्टियन मण्डलीलाई कसरी व्यवस्थित बनाइएको हुन्छ? यसलाई व्यवस्थित बनाइराख्न हामी के गर्न सक्छौँ?
१. मण्डलीको शिर को हुनुहुन्छ?
“ख्रिष्ट . . . मण्डलीको शिर . . . हुनुहुन्छ।” (एफिसी ५:२३) उहाँले पृथ्वीमा रहेका यहोवाका सेवकहरूको समूहलाई स्वर्गबाट डोऱ्याउनुहुन्छ। उहाँले “विश्वासी र बुद्धिमान् दास”-लाई नियुक्त गर्नुभएको छ। यो परिपक्व एल्डरहरूको एउटा सानो समूह हो, जसलाई परिचालक निकाय पनि भनिन्छ। (मत्ति २४:४५-४७ पढ्नुहोस्।) यरुसलेममा बस्ने प्रथम शताब्दीका प्रेषितहरू र एल्डरहरूले जस्तै परिचालक निकायले विश्वव्यापी मण्डलीलाई निर्देशन दिन्छ। (प्रेषित १५:२) तर परिचालक निकायका सदस्यहरू हाम्रो सङ्गठनका नेताहरू होइनन्। तिनीहरू डोऱ्याइको लागि यहोवा र उहाँको वचनमा भर पर्छन् अनि येसुलाई शिरको रूपमा स्विकार्छन्।
२. मण्डलीमा एल्डरहरूको भूमिका के हो?
एल्डरहरू परिपक्व ख्रिष्टियन पुरुषहरू हुन्। तिनीहरू बाइबलबाट सिकाउँछन् र यहोवाका सेवकहरूलाई मदत र प्रोत्साहन दिएर गोठालोले जस्तै डोऱ्याउँछन्। तिनीहरूले आफूले गरेको सेवाको लागि तलब लिँदैनन्। बरु तिनीहरू “परमेश्वरसामु . . . स्वेच्छाले” सेवा गर्छन् अनि “बेइमानीद्वारा धन कमाउने लोभले होइन तर तत्परतासाथ” त्यसो गर्छन्। (१ पत्रुस ५:१, २) सहायक सेवकहरूले एल्डरहरूलाई सघाउँछन्। पछि ती सहायक सेवकहरू नै एल्डरको रूपमा सेवा गर्न योग्य हुन सक्छन्।
परिचालक निकायले केही एल्डरलाई क्षेत्रीय निरीक्षकको रूपमा नियुक्त गर्छ। ती क्षेत्रीय निरीक्षकहरू विभिन्न मण्डलीको भ्रमण गर्छन् अनि त्यहाँका भाइबहिनीलाई डोऱ्याइ र प्रोत्साहन दिन्छन्। तिनीहरूले बाइबलमा तोकिएका योग्यताहरू पूरा गरेका पुरुषहरूलाई एल्डर र सहायक सेवकको रूपमा नियुक्त गर्छन्।—१ तिमोथि ३:१-१०, १२; तितस १:५-९.
३. मण्डलीमा हरेक साक्षीको भूमिका के हो?
सभाहरूमा भाग लिएर र आफ्नो परिस्थितिअनुसार सकेजति सुसमाचार सुनाएर मण्डलीका सबैले ‘यहोवाको नामको प्रशंसा गर्छन्।’—भजन १४८:१२, १३ पढ्नुहोस्।
अझ खोतल्नुहोस्
येसु कस्तो नेता हुनुहुन्छ, एल्डरहरू कसरी उहाँको उदाहरणको अनुकरण गर्न प्रयास गर्छन् अनि हामी कसरी येसुप्रति आज्ञाकारी हुँदै एल्डरहरूलाई सहयोग गर्न सक्छौँ, विचार गर्नुहोस्।
४. येसु दयालु नेता हुनुभएकोले हामी उहाँबाट स्फूर्ति पाउँछौँ
येसुले एउटा मनै छुने आग्रह गर्नुभएको छ। मत्ति ११:२८-३० पढ्नुहोस् अनि यो प्रश्न छलफल गर्नुहोस्:
येसु कस्तो नेता हुनुहुन्छ र उहाँ हामीले कस्तो महसुस गरेको चाहनुहुन्छ?
एल्डरहरू कसरी येसुको उदाहरणको अनुकरण गर्छन्? भिडियो हेर्नुहोस्।
एल्डरहरूले कसरी काम गर्नुपर्छ भनेर बाइबलले स्पष्टसित सिकाएको छ।
यसैया ३२:२ र १ पत्रुस ५:१-३ पढ्नुहोस् अनि यी प्रश्नहरू छलफल गर्नुहोस्:
येसुले जस्तै एल्डरहरूले अरूलाई स्फूर्ति दिन सक्दो प्रयास गर्छन् भनेर थाह पाउँदा तपाईँलाई कस्तो लाग्यो?
एल्डरहरू अरू कुन-कुन तरिकामा येसुको अनुकरण गर्छन्?
५. एल्डरहरू आफ्नो उदाहरणद्वारा सिकाउँछन्
एल्डरहरूले आफ्नो भूमिकाप्रति कस्तो दृष्टिकोण राखेको येसु चाहनुहुन्छ? भिडियो हेर्नुहोस्।
येसुले मण्डलीमा नेतृत्व लिनेहरूले पालन गर्नुपर्ने स्तर तोक्नुभयो। मत्ति २३:८-१२ पढ्नुहोस् अनि यी प्रश्नहरू छलफल गर्नुहोस्:
एल्डरहरूले पालन गर्नुपर्ने कस्तो स्तरबारे बाइबलमा बताइएको छ? के तपाईँलाई धर्मगुरुहरूले बाइबलको स्तर पालन गरेका छन् जस्तो लाग्छ?
क. एल्डरहरू आफूलाई र आफ्नो परिवारलाई आध्यात्मिक रूपमा बलियो बनाइराख्छन्
ख. एल्डरहरू मण्डलीका सबैको ख्याल राख्छन्
ग. एल्डरहरू नियमित रूपमा सुसमाचार सुनाउँछन्
घ. एल्डरहरू शिक्षक हुन्। तिनीहरू सरसफाइ र अन्य कामहरू पनि गर्छन्
६. हामी एल्डरहरूलाई सहयोग गर्न सक्छौँ
हामीले एल्डरहरूलाई सहयोग गर्नुपर्ने एउटा महत्त्वपूर्ण कारणबारे बाइबलमा बताइएको छ। हिब्रू १३:१७ पढ्नुहोस् अनि यी प्रश्नहरू छलफल गर्नुहोस्:
के अगुवाइ लिइरहेकाहरूप्रति आज्ञाकारी हुन र तिनीहरूको अधीनमा बस्न बाइबलमा दिइएको सल्लाह व्यावहारिक छ? तपाईँलाई किन त्यस्तो लाग्छ?
लुका १६:१० पढ्नुहोस् अनि यो प्रश्न छलफल गर्नुहोस्:
सानो जस्तो देखिने कुरामा पनि एल्डरहरूप्रति आज्ञाकारी हुनु किन महत्त्वपूर्ण छ?
कोही-कोही भन्छन्: “ईश्वरको भक्ति गर्न कुनै धार्मिक सङ्गठनमा लाग्नै पर्छ भन्ने छैन।”
तपाईँको विचारमा कसैले मण्डलीको भाग भएर परमेश्वरको उपासना गर्दा तिनले कस्तो फाइदा उठाउन सक्छन्?
सारांश
येसु मण्डलीको शिर हुनुहुन्छ। उहाँको अधीनमा रहेर सेवा गरिरहेका एल्डरहरूलाई हामी खुसीसाथ सहयोग गर्छौँ। किन? किनभने तिनीहरूबाट हामी स्फूर्ति पाउँछौँ र तिनीहरूले हामीलाई आफ्नो उदाहरणद्वारा सिकाउँछन्।
तपाईँले के सिक्नुभयो?
मण्डलीको शिर को हुनुहुन्छ?
एल्डरहरूले मण्डलीलाई कसरी मदत गर्छन्?
मण्डलीमा यहोवाको हरेक उपासकको भूमिका के हो?
अझ धेरै जान्नुहोस्
परिचालक निकाय र अरू एल्डरले सङ्गी ख्रिष्टियनहरूप्रति चासो देखाउँछन् भन्ने कुराको कस्तो प्रमाण छ, हेर्नुहोस्।