Bíhwiidooʼáłígíí 1
God Haʼátʼíí yee Hoołʼaʼígíí Haʼátʼéego éí Nił Bééhodoozįįł
Haʼátʼíísh saad ílíinii Diyin Bizaad biiʼ hólǫ́? (1)
Háísh éí Diyin Bizaad bikʼehgo ályaa? (2)
Haʼátʼííshąʼ éí biniiyé tʼáá íiyisíí Diyin Bizaad bíhwiidííłʼááł? (3)
1. Diyin Bizaad éí ayóó ílı̨́įgo God nihaa yinílá. Tʼáá azhéʼé baʼáłchíní ayóóʼáyóʼníígo yichʼįʼ íʼiilaaígi átʼéego. Éí tʼááʼaaníinii God átʼéii yee nihił halneʼ—háíʼátı̨́ dóó haʼátʼíí yá sizı̨́. Nihichʼįʼ anáhóótʼiʼígíí haitʼáo íʼdiilnííłii hazhóʼó yahalneʼ dóó haitʼáo tʼááʼaaníí ił hózhǫ́ǫnii hoł bééhodoozįįł. Diyin Bizaad tʼéiyá nihił halneʼ tsʼídá haʼátʼéego íʼiilyaago éí God yaa bił hózhǫ́ǫ doo.—Psalm 1:1-3; Isaiah 48:17, 18.
2. Diyin Bizaad 40 hastóí ałʼąą átʼéego yikʼiʼdaʼashchı̨́ 1,600 nááhaijiʼ álnéehgo biighah silı̨́ı̨́ʼ, 1513 B.C.E. yihah yę́ędą́ą́ʼ bee hahoolzhiizh. Éí 66 naaltsoos áłtsʼíísí bee hadilyaa. Díí hastóí Diyin Bizaad ádayiilaaígíí God bił halneʼgo yikʼiʼdaʼashchı̨́. God bintsékeesígíí yee yikʼiʼdaʼashchı̨́, tʼáá bihígíí éí ndaghaʼ. Áko God yáʼąąshdi hólóonii, Diyin Bizaad Bikʼehgo Ályaa, nihookááʼgi bílaʼashdlaʼii éí ndaghaʼ.—2 Timothy 3:16, 17; 2 Peter 1:20, 21.
3. God tʼáá íiyisíí Bizaad tsʼídá tʼáá ákótʼéego beʼelyaa dóó hashtʼeʼ niitʼą́. Tʼóóʼahayóí Diyin Bizaad ádaalyaa náánáłaʼ naaltsoos biláahgo. Doo tʼáá átʼé diné yaa bił hózhǫ́ǫ da doo binááł Diyin Bizaad baa ííníłtaʼgo, ndi tʼáá ká éí biniinaa ánáosįįh lágo. Náásgóó niʼiinaʼ doo ninítʼíʼí dooleełígíí éí díí bee bóholnííh God bééhodíísįįłígíí dóó íinízinígíí biʼdíílííł azhą́ łaʼ nitsʼą́ą́jí danilı̨́į ndi.—Matthew 5:10-12; John 17:3.