CUMA COPEZEKA M’MAU A MULUNGU | MALIKO 3-4
Kucilitsa pa Sabata
N’cifukwa ciani Yesu anamva cisoni kwambili na zocita za atsogoleli a cipembedzo aciyuda? Cifukwa iwo anapangitsa Sabata kukhala yolemetsa mwa kuwonjezela malamulo ambili ang’ono ang’ono. Mwacitsanzo, kupha nsabwe kapena kuti inda kunali koletsedwa. Anali kulola kucilitsa pokhapo ngati moyo unali paciwopsezo. Izi zinatanthauza kuti munthu akathyoka fupa kapena kuvyungunuka, sanali kufunika kupatsiwa thandizo pa Sabata. Conco, n’zoonekelatu kuti atsogoleli a cipembedzo sanali kumuganizila munthu wopuwala dzanja.