LAIBULALI YA PA INTANETI ya Watchtower

LAIBULALI YA PA INTANETI

mwb16 April tsa. 3
Limbikitsani Ena ndi Mau Abwino

Umoyo na Utumiki Wathu Wacikhristu—Kabuku ka Msonkhano (2016)

mwb16 April tsa. 3

CUMA COPEZEKA M’MAU A MULUNGU | YOBU 16-20

Limbikitsani Ena ndi Mau Abwino

Zokamba zathu ziyenela kulimbikitsa ena

16:4, 5

Yobu anali wopsinjika maganizo ndi wothedwa nzelu, cakuti anafuna thandizo ndi cilimbikitso kwa ena
Anzake atatu a Yobu sanakambe mau alionse omulimbikitsa. M’malomwake, anamuimba mlandu ndi kuonjezela nkhawa zake

Mau oipa a Bilidadi anacititsa Yobu kulila mosautsidwa mtima

19:2, 25

Yobu analilila kwa Mulungu kuti amuthandize, ngakhale kum’pempha kuti afe
Yobu anali ndi ciyembekezo cakuti adzaukitsidwa, ndipo anapitiliza kupilila mokhulupilika

Elifazi akukamba ndi Yobu pamene Bilidadi ndi Zofari akuwayang’ana

ANTHU AMENE ANAIMBA MLANDU YOBU

Elifazi:

Mwina anali kucokela ku Temani, m’dziko la Edomu. Pa Yeremiya 49:7 pamafotokoza kuti Temani linali likulu la anthu anzelu a ku Edomu
N’kutheka kuti ndiye anali wamkulu pa “otonthoza” anzake, ndipo ndiye anayambilila kukamba. Iye anakamba ndi Yobu katatu konse ndipo anakamba kwa nthawi yaitali kuposa anzake

Zimene anamuneneza:

Anakaikila kukhulupilika kwa Yobu, ndipo anakamba kuti Mulungu sakhulupilila atumiki ake (Yobu 4, 5)
Anauza Yobu kuti anali wonyada ndi woipa, ndiponso kuti sanali kuopa Mulungu (Yobu 15)
Anaimba mlandu Yobu wakuti anali wadyela ndi wopanda cilungamo, ndipo anakamba kuti munthu ndi wacabecabe kwa Mulungu (Yobu 22)

Bilidadi:

Anali mbadwa ya ku Shuwa. Ayenela kuti anali kukhala pafupi ndi Mtsinje wa Filate
Anali waciŵili kukambapo. Katatu konse, iye anakamba mau aafupi koma opweteka mtima kuposa a Elifazi

Zimene anamuneneza:

Bilidadi anatanthauza kuti ana a Yobu anacimwa ndipo anafunikadi kulangidwa ndi kufa, ndiponso kuti Yobu iye mwini sanali kuopa Mulungu (Yobu 8)
Zokamba zake zinaonetsa kuti Yobu anali kucita zoipa (Yobu 18)
Iye anaonetsa kuti kukhulupilika kwa munthu kulibe phindu (Yobu 25)

Zofari:

Anali wa ku Naama, mwina kumpoto ca kumadzulo kwa Arabiya
Anali wacitatu kukambapo ndipo mau ake anali opweteka mtima kuposa a anzake. Iye anakambapo kaŵili cabe

Zimene anamuneneza

Anaimba mlandu Yobu wokamba zinthu zopanda pake, ndipo anamuuza kuti aleke kucita zinthu zoipa (Yobu 11)
Iye anatanthauza kuti Yobu anali woipa ndipo anacita chimo (Yobu 20)