Khulupililani Yehova ndi Kucita Zabwino

“Usapse mtima [ndi] . . . anthu ocita zosalungama”

37:1, 2

• Musaleke kutumikila Yehova cifukwa coona kuti anthu oipa zinthu zikuwayendela bwino. Ikani maganizo anu pa madalitso ndi zolinga za kuuzimu

“Khulupilila Yehova ndipo cita zabwino”

37:3

• Khulupililani Yehova kuti adzakuthandizani mukakhala ndi nkhawa. Adzakuthandizani kukhalabe wokhulupilika

• Khalani wotangwanika mwa kuuzako ena za Ufumu wa Mulungu

“Sangalala mwa Yehova”

37:4

• Pezani nthawi yoŵelenga ndi kusinkhasinkha Mau a Mulungu kuti mum’dziŵe bwino Yehova

“Lola kuti Yehova akutsogolele panjila yako”

37:5, 6

• Khulupililani kwambili Yehova kuti adzakuthandizani kuthetsa vuto lililonse

• Pitilizani kukhala ndi khalidwe labwino pamene mutsutsidwa kapena kuzunzidwa

“Khala cete pamaso pa Yehova, ndipo umuyembekezele ndi mtima wako wonse”

37:7-9

• Pewani kucita zinthu mopupuluma, zimene zingakuonongeleni cimwemwe ndi citetezo canu cauzimu

“Anthu ofatsa adzalandila dziko lapansi”

37:10, 11

• Khalani ofatsa, ndipo yembekezelani Yehova kuti acotsepo mavuto onse amene mukumana nao

• Muzithandiza Akristu anzanu ndi kutonthoza amene akuvutika maganizo, mwa kuwauza lonjezo la Mulungu la dziko latsopano, limene lili pafupi kwambili