CUMA COPEZEKA M’MAWU A MULUNGU | EKSODO 10-11

Mose na Aroni Anaonetsa Kulimba Mtima Kwambili

10:3-6, 24-26, 28; 11:4-8

Mose na Aroni anaonetsa kulimba mtima kwambili pokamba na Farao, amene anali munthu wamphamvu kwambili pa dziko lapansi panthawiyo. N’ciani cinawathandiza kucita zimenezo? Pokamba za Mose, Baibo imati: “Mwa cikhulupililo anacoka mu Iguputo, koma osati cifukwa coopa mfumu ayi, pakuti anapitiliza kupilila moleza mtima ngati kuti akuona Wosaonekayo.” (Aheb. 11:27) Mose na Aroni anali na cikhulupililo colimba mwa Yehova ndipo anamudalila.

Kodi ni mikhalidwe iti imene imafuna kulimba mtima kuti tifotokoze za cikhulupililo cathu kwa munthu wa paudindo?

Zithunzi: Zocitika zimene zimafuna kulimba mtima kwathu. 1. Wacicepele kusukulu waimilila mwaulemu pamene anzake acitila saliyuti mbendela. 2. M’bale waimilila pamaso pa nduna za khoti . 3. M’bale wacicepele agaŵila kathilakiti kwa mwininyumba pamene wapolisi ayang’ana capafupi.