Kodi Mungapeleke Nthawi na Mphamvu Zanu?

Monga mmene Yesaya analosela, gawo la gulu la Yehova la padziko lapansi likukula kuposa na kale lonse. (Yes. 54:2) Conco, pakufunika kumanga Nyumba za Ufumu zatsopano, Mabwalo a Misonkhano, komanso ma Ofesi a Nthambi. Pambuyo pakuti zamangidwa, zimango zimenezi zimafunika kuzisamalila, ndipo m’kupita kwa nthawi zina zimafunika kukonzedwanso. Zimenezi zimatipatsa mwayi wopeleka nthawi na mphamvu zathu kwa Yehova. Motani?

• Tingacite zimenezi mwa kutengako mbali yoyeletsa pa Nyumba ya Ufumu pamene kagulu kathu ka ulaliki kakuyeletsa

• Tingadzipeleke kuti ticiteko maphunzilo a mmene tingasamalile Nyumba ya Ufumu

• Tingadzaze fomu ya Local Design/Construction Volunteer (DC-50) kuti tizithandizilako mwa apo ndi apo pa nchito yomanga na kusamalila zimango zili kufupi na kumene tikhala

• Tingadzaze fomu yochedwa Application for Volunteer Program (A-19) na kudzipeleka kuti tizithandizila kwa wiki imodzi kapena kuposelapo m’gawo la Nthambi yathu kapena ku Nthambi ina

TAMBANI VIDIYO YAKUTI KUKONZEKELA KUMANGA CIMANGO CATSOPANO—KAMBALI KAKE NDIYENO YANKHANI MAFUNSO OTSATILAWA:

• Kodi pakhala cionjezeko cotani pankhani yoseŵenzetsa mavidiyo kungoyambila mu 2014?

• Kuti tipitilizebe kukhala na mavidiyo pa kulambila kwathu, kodi pakulinganizidwa yanji, ndipo nchitoyo idzatenga utali wotani?

• Nanga anchito odzipeleka angacilikize bwanji nchitoyo?

• Ngati tifuna kuthandizako nchito yomanga ya ku Ramapo, n’cifukwa ciani tifunika kusaina fomu ya DC-50 komanso kuthandizila m’Dipatimenti Yoona za Mapulani ndi Zomangamanga (LDC) ya kwanuko?

• Kodi pali umboni wotani woonetsa kuti Yehova akutsogolela nchito imeneyi?

• Kodi tingacilikize bwanji nchito imeneyi olo kuti sitingakwanitse kupita kukamanga nawo?