Yehova Niwe Buhungiro Bwaitu

1. Yehova buhungiro,

Niwe u twesiga.

N’obweshereko bwaitu;

Nimwo tweshereka.

Niwe wenka oturinda,

Buzima nitumwesiga.

Yehova n’obwegamo,

Obw’ab’amazima boona.

2. N’obu ’nkumi barigwa

’Ha rubaju rwawe,

Oryaba orinzirwe,

Hamwe n’abeesigwa.

Toritiinisibwa ebyo,

Nk’oraahikweho akabi.

Oryabireeba kwonka,

Orinzirwe gye Ruhanga.

3. Ruhanga ’ryakurinda

’Mitego y’Omubi,

Toriteera entsibo

Kandi toritiina.

Toritiina n’ekicuncu;

Oryaribata n’encwera.

Yehova buhungiro,

Naaturinda obutoosha.