Okweijutsya Eby’Eishomero ry’Obuheereza

Ebibuuzo ebiri ahaifo nibiija kugarukwamu omu Ishomero ry’Obuheereza erya saabiiti eraatandike Febwari 23, 2009. Orikwebembera eishomero naija kukoresa edakiika 20 okuraba omu byayegirwe kuruga Jenwari 5 kuhika Febwari 23, 2009.

1. Ruhanga akareetaho ata ekyererezi aha kiro ky’okubanza, ebirikwaka ku biraabe byahangirwe aha kiro kya kana? (Kut. 1:3, 16) [w04 1/1 rup. 28 kacw. 5]

2. Yehova okutagambira Noa okureeberera ensi nk’oku yaabaire agambiire Adamu nikyoreka ki? (Kut. 9:1) [it-2 rup. 1095 kacw. 6]

3. Ni ryari obu endagaano ei Ruhanga yaakozire na Abrahamu yaatandikiireho kukora, kandi neija kugumaho kuhitsya ryari? (Kut. 12:1-4) [w04 1/15 rup. 26 kacw. 4; w01 8/15 rup. 17 kacw. 13]

4. Niki ekirikworeka ngu Nimuroodi hamwe n’abo abaamukuratiire bakaremwa ‘kwekorera eiziina ngu barangaanwe’? (Kut. 11:4) [w98 3/15 rup. 25]

5. Obu Looti arikwetwa omushaija “ohikiriire” omu 2 Petero 2:7, ahabw’enki yaabaire naaza kuhayo bahara be aha bantu abaabaire baine emicwe mibi? (Kut. 19:8) [w05 2/1 rup. 26 kacw. 15-16; w04 1/15 rup. 27 kacw. 3]

6. Obu abashaija abarikutiina Ruhanga bashemereire kureeberera ab’omu maka gaabo, ahabw’enki Abrahamu yaayohereize Hagari na Ishimaeli omu ihamba? (Kut. 21:10-21; 1 Tim. 5:8) [w88 2/15 rup. 31]

7. Ni eishomo ki eri turikubaasa kwega omu kufayo kwa Eliezeeri kukora ebintu nk’oku Yehova arikwenda obu yaabaire naasherurira Isaaka omukazi? (Kut. 24:14, 15, 17-19, 26, 27) [w97 1/1 rup. 31 rup. 2]

8. Ekirooto eki Yakobo yaarotsire omu yaareebeire baamaraika ‘nibatembera aha matembero, kandi nibagatemburukiraho’ kikaba kiine makuru ki? (Kut. 28:10-13) [w03 10/15 rup. 29 kacw. 1; it-2 rup. 189]

9. Ahabw’enki Rakeeli yaabaire naayenda amadudaimu ga mutabani wa Lea? (Kut. 30:14, 15) [w04 1/15 rup. 28 kacw. 7]

10. Eky’okureeberaho kya Yakobo nikihwera kita omu kushoboorora obutetegyerezana? (Kut. 33:3, 4) [g82 2/22 rup. 19 kacw. 8-10]