Ebirango
◼ Ebitabo ebi turaagabe omuri Febwari: Gaba bimwe aha bitabo ebi byaba biriho, Is There a Creator Who Cares About You?, The Bible—God’s Word or Man’s? nari The Secret of Family Happiness. Maaci: Niki Eki Baibuli Buzima Erikwegyesa? Teeraho kutandika kwegyesa abantu Baibuli. Apuri na Mei: Gaba Watchtower na Awake! Twagarukayo kutaayaayira abarikwenda kumanya ebirikukiraho, otwariiremu n’abo abarikwija aha Kiijutsyo n’abandi abarikwija omu nteerane ezindi kwonka abatarikukira kwija, tute omutima aha kugaba akatabo Niki Eki Baibuli Buzima Erikwegyesa? Ekigyendererwa kishemereire kuba okutandika kubeegyesa Baibuli turikukoresa akatabo ako.
◼ Orubazo rwa boona orw’omutaano orwa 2009 orw’omu bwire bw’Ekiijutsyo nirwija kuba rwine omutwe “Ruhanga Naasiima Ediini Zoona?” Reeba ekirango ekiri nk’eki omu Obuheereza Bwaitu Obw’Obukama aka Sebutemba 2008.
◼ Saabiiti erikutandika Febwari 23, 2009, nitwija kutandika kwega akatabo “Mwerindire omu Kukunda kwa Ruhanga” omu Kwega Baibuli okw’Ekibiina. Ebibiina bishemereire kuba biine akatabo aka omu bwingi.
◼ Yetegyereze ngu Ekiijutsyo ky’omwaka ogwa 2010 nikiija kubaho aha rwa Kabiri, ebiro 30 Maaci, bwanyima y’eizooba kurenga. Eki nikibamanyisibwa kare kugira ngu ab’eishe-emwe babaase kusherura emyanya y’okugiriramu ekiijutsyo ebibiina bingi byaba nibikoresa Ekyombeko ky’Obukama kimwe. Omu mbeera nk’ezo, abareeberezi bashemereire kwikirizana n’abarikuba nibareeberera ebyombeko ebyo okuhamya ngu tihaabaho kuteganisibwa ebindi bintu omu kyombeko ekyo kugira ngu Ekiijutsyo kibeho omu busingye n’omu buteeka.