Okweijutsya eby’Eishomero ry’Obuheereza

Ebibuuzo ebiri ahaifo nibiija kugarukwamu omu Ishomero ry’Obuheereza ery’esaabiiti eraatandike Agusto 31, 2009. Omureeberezi w’eishomero naija kukoresa edakiika 20 okuraba omu byayegirwe kuruga Juraayi 6 okuhika Agusto 31, 2009.

1. Ahabw’enki omuntu weena owaabaire ‘akyeena’ abazaire be yaabaire acwerwa orubanja rw’okwitwa? (Lev. 20:9) [w04 5/15 rup. 24 kacw. 6]

2. Obu abashaija boona Abaisraeli baabaire nibaragiirwa kubaho aha Bugyenyi bw’Emigaati Etatumbisiibwe, ni baahi abaabaire bashaaruura omuganuro gwa sayiri y’okuhayo? (Lev. 23:5, 10, 11) [w07 7/15 rup. 26 kacw. 3]

3. Omwaka gwa Jubili gukaba nigujwekyera ki? (Lev. 25:10, 11) [w04 7/15 rup. 26-27]

4. ‘Oturango’ oturikugambwaho omu Okubara 2:2 tukaba twine akakwate n’okuramya omuri Israeli? [w02 9/15 rup. 21 kacw. 4]

5. Ababuurizi b’Obukama ab’obwire bwona ab’obunaku obu nibashushana bata n’Abanaziiri b’omuri Israeli eya ira? (Kub. 6:3, 5, 6) [w04 8/1 rup. 24-25]

6. Ni musingye ki ogw’ebiragiro ogurikukwata aha kurekyeraho kuheereza kw’Abaleevi ogurikubaasa kukora obunaku obu aha bantu ba Yehova? (Kub. 8:25, 26) [w04 8/1 rup. 25 kacw. 1]

7. Niki ekyareeteire Abaisraeli kutandika “kwetenga” kandi Abakristaayo ab’obunaku obu nibakyegamu ki? (Kub. 11:4) [w01 6/15 rup. 14-15; w95 3/1 rup. 15 kacw. 10]

8. Ahabw’enki Miriamu wenka niwe yaateirwe ebibembe, kandi ekyo nikitwegyesa kintu ki ekikuru? (Kub. 12:9-11) [w04 8/1 rup. 26 kacw. 2; it-2 rup. 415 kacw. 1]

9. Yoshua na Kalebu bakaba nibamanyisa ki obu baagira ngu abantu ba Kanaani ni ‘nk’eby’okurya’? (Kub. 14:9) [w06 10/1 rup. 16 kacw. 5; it-1 rup. 363-364]

10. Ni ky’okureeberaho ki eky’okurabura ekiri omu Okubara 21:5? [w99 8/15 rup. 26-27]