Okweijutsya eby’Eishomero ry’Obuheereza

Ebibuuzo ebi ahaifo nibiija kugarukwamu omu Ishomero ry’Obuheereza, omu saabiiti erikutandika Febwari 22, 2010. Omureeberezi orikwebembera eishomero naija kukoresa edakiika 20 kwebembera ekicweka ky’ebyayegirwe kuruga Jenwari 4 kuhika Febwari 22, 2010.

1. Niki ekyakuba kyareetaire bamwe aha Abaisraeli kweziringa kuhungura obuhunguzi bwabo omu Nsi Eyaraganisiibwe, kandi itwe ekyo nitukyegamu ki? (Yos. 18:2, 3) [ it-1-E rup. 359 kacw. 5]

2. Niki ekyareeteire Yoshua kugamba ebigambo ebiri omuri Yoshua 24:14, 15, kandi ekyo kiine kutukwataho kita? [w08-E 5/15 rup. 17-18 kacw. 4-6]

3. Ni mu muringo ki gumwe ogu abaramya ba Baali hamwe n’emigyenzo yaabo byabaire emitego aha Baisraeli? (Bar. 2:3) [w08-E 2/15 rup. 27 kacw. 2-3]

4. Niki eki turikubaasa kwega ahari Ehudi obu yaayoreka obumanzi arikukoresa rurara? (Bar. 3:16, 21) [w97-E 3/15 rup. 31 kacw. 4]

5. Ni bwesigye ki obu turikutunga ku turikushoma aha ku Yehova yaacungwire Gideoni n’abashaija be 300? (Bar. 7:19-22) [w05-E 7/15 rup. 16 kacw. 8]

6. Ni mu muringo ki ogu Yehova atarabaasize ‘kugumisiriza okubonabonesibwa kw’Abaisraeli’? (Bar. 10:16, NW) [cl-E rup. 254-255 kacw. 10-11]

7. Kwonka shi Yefusa akaba aine ekiteekateeko ky’okuhayo ekitambo ky’omuntu obu yaarahira? (Bar. 11:30, 31) [w05-E 1/15 rup. 26 kacw. 1]

8. Mbwenu shi amaani ga Samusooni gakaba gari omu eishokye rye? (Bar. 16:18-20) [w05-E 3/15 rup. 28 kacw. 5-6]

9. Okwetegyereza eby’okutangaaza ebi Samusooni yaakozire ebirikugambwaho omu Abaramuzi 16:3 nikutuhwera kuta? [w04-E 10/15 rup. 15-16 kacw. 7-8]

10. Nitwega ki aha bihandikirwe omu Abaramuzi 16:16? [w05-E 1/15 rup. 27 kacw. 5]