Ebi Turikubaasa Kugamba Turikugaba Zaamagaziini

The Watchtower Maaci 1

Shoma Okuruga 20:15 reero ogire oti: “N’obu baingi baraabe nibateeraho kworobera ekiragiro eki, abamwe bo nibagira ngu okwiba n’okukora ebindi bikorwa ebitari by’obwesigwa nikiba kitari kibi waaba oine oburemeezi bw’amaani. Iwe ekyo nokigambaho ki? [Tegyereza agarukyemu.] Ebiri ahansi y’omutwe ogu nibishoboorora aha migisha y’okuba omwesigwa obutoosha.” Mworekye ebirikutandikira aha rupapura 12.

Awake! Maaci

“Abantu baingi nibaha Baibuli ekitiinisa kwonka nibateekateeka ngu bingi ebigirimu tibirikuhwera munonga omu bwire obu obu turimu. Iwe ekyo nokigambaho ki? [Tegyereza agarukyemu, reero omushomere Abarooma 15:4.] Ebiri ahansi y’omutwe ogu nibishoboorora enshonga ahabw’enki n’ebitabo bya Baibuli ebya ira bikiri eby’omugasho na hati.” Mworekye ebirikutandikira aha rupapura 28.

The Watchtower Apuri 1

“Abantu ku barikubuuzibwa kugamba omuntu orikumanywa munonga omu byafaayo, baingi nibagira ngu ni Yesu. Naiwe noogira ngu niwe? [Tegyereza agarukyemu.] Yetegyereze enshonga ahabw’enki twine kuteeraho kwetegyereza ebirikumugambwaho ebihikire n’ebitahikire okubaasa kwega amazima. [Shoma Yohaana 17:3.] Watchtower egi ey’omutaano neyoreka eki Baibuli buzima erikugamba ahari Yesu n’aha bi yaayegyeise.”

Awake! Apuri

“Nikireebeka titwine bwire burikumara okubaasa kukora buri kimwe eki twakubaire nitwenda kukora. Ekyo Nokiikiriza? [Tegyereza agarukyemu.] Baingi bashangire obuhabuzi obu burikukora. [Shoma Abafilipi 1:10.] Magaziini egi neeha bumwe aha buhabuzi oburikukora oburikubaasa kutuhwera kukoresa gye obwire bwaitu.”