Ebirango

◼ Ebitabo by’okugaba omuri Apuri na Mei: Watchtower na Awake! Twagarukayo kutaayaayira abarikwenda kumanya ebirikukiraho, otwariiremu n’abo abaizire aha Kiijutsyo n’abandi abaizire omu nteerane ezindi kwonka abatarikukira kwija, tute omutima aha kugaba akatabo Niki Eki Baibuli Buzima Erikwegyesa? Ekigyendererwa kishemereire kuba okutandika kubeegyesa Baibuli. Gyuni: Niki Eki Baibuli Buzima Erikwegyesa? Abaraabe baine akatabo aka ababuurizi nibabaasa kubaha akatabo Ramya Ruhanga Omwe Ow’Amazima, Okumanya Okurikwebembera Okuhitsya Omu Magara Agatahwaho, nari burocuwa Ruhanga Natwenza Ki? Gyuraayi na Agusto: Ababuurizi nibabaasa kucwamu kukoresa kamwe aha butabo obu obw’empapura 32 oburiho omu kibiina kyanyu. Okukira munonga bakorese obutabo obu, Ruhanga Natwenza Ki?, Oruguuto orw’Amagara Agatahwaho—Waruzoire?, na Mugume Nimureeba! Ekibiina kyanyu kyaba kitaine butabo obwo oburikumara, mubushabe kare kuruga aha ofiisi y’eitaagi.

◼ Omuri saabiiti eziraabemu oruteerane oruhango orw’ebiro bishatu, orw’ekyanga n’orw’ekiro kimwe, ebibiina tibirikwija kugira Okwega Baibuli okw’Ekibiina, Eishomero ry’Obuheereza hamwe n’Oruteerane rw’Obuheereza. N’ahabw’ekyo, nitubahiga mwena kwega eby’enteerane ezo ahabwanyu nka mwaba muri omu Kuramya kw’Eka okw’omu mwabazyo.

◼ Orubazo rwa boona orw’omutaano orwa 2010 orw’omu bwire bw’Ekiijutsyo nirwija kuba rwine omutwe “Oburinzi n’Obusingye Ebya Buzima Nibiija Kubaho Ryari?”