Okweijutsya eby’Eishomero ry’Obuheereza

Ebibuuzo ebi ahaifo nibiija kugarukwamu omu Ishomero ry’Obuheereza, omu saabiiti erikutandika Apuri 26, 2010. Omureeberezi orikwebembera eishomero naija kukoresa edakiika 20 kwebembera ekicweka ky’ebyayegirwe kuruga Maaci 1 kuhika Apuri 26, 2010.

1. Naomi akaba naamanyisa ki obu yaagira ati: ‘MUKAMA ambonaboneise, kandi ow’Obushoboorozi bwona angwisiize akagwe’? (Rus. 1:21) [w05-E 3/1 rup. 27 kacw. 1]

2. Ni mitwarize ki eyareeteire Ruusi kuba “omukazi w’omutima”? (Rus. 3:11) [w05-E 3/1 rup. 28 kacw. 6]

3. Ebigambo bya Elukaana ebi: “Tindikukukirira abaana b’aboojo ikumi” bikagumya bita omukazi we? (1 Sam. 1:8) [w90-E 3/15 rup. 27 kacw. 5-6]

4. Ahabw’enki kyabaire kitari ky’oburyo Abaisraeli kushaba omugabe? (1 Sam. 8:5) [w05-E 9/15 rup. 20 kacw. 17; it-2-E rup. 163 kacw. 1]

5. Samueli ku ‘yaakuzire akagira enju’ akaguma ari eky’okureeberaho kirungi ata omu kushabira abandi, kandi eki nikyoreka ki? (1 Sam. 12:2, 23) [w07-E 6/1 rup. 29 kacw. 14-15]

6. Ahabw’eki Saulo yaagiriire aba Keeni embabazi nyingi? (1 Sam. 15:6) [w05-E 3/15 rup. 22 kacw. 10]

7. Niki ekyareeteire Saulo kubuuza Daudi ati: “Ori mwene oha, mutsigazi ’we?” (1 Sam. 17:58) [w07-E 8/1 rup. 31 kacw. 3, 5]

8. Nitwega ki aha muringo ogu Daudi yaatwarizemu obu yaabaire aine oburemeezi bw’amaani omuri Gaasi? (1 Sam. 21:12, 13) [w05-E 3/15 rup. 24 kacw. 4]

9. Yonasaani akooreka ata rukundo n’obucureezi obu yaabaire naahuumuriza munywani we Daudi? (1 Sam. 23:17) [lv rup. 28 kacw. 10, n’ebigambo ebiri aha kanyonyoozi]

10. Nitwega ki aha byabaireho obu Saulo yaabaire ari ow’omufumu omuri Endoori? (1 Sam. 28:8-19) [w05-E 3/15 rup. 24 kacw. 7]