Okweijutsya eby’Eishomero ry’Obuheereza

Ebibuuzo ebi ahaifo nibiija kugarukwamu omu Eishomero ry’Obuheereza, omu saabiiti erikutandika Febwari 28, 2011. Omureeberezi orikwebembera Eishomero naija kukoresa edakiika 20 kwebembera ekicweka ky’ebyayegirwe kuruga Jenwari 3 kuhika Febwari 28, 2011.

1. Ni murimo ki ogu Hezekia yaimukizeho obu yaatandika kutegyeka kandi nitubaasa kumutooreza tuta omu bunaku obu? (2 Bus. 29:16-18) [w09-E 6/15 rup. 9 kacw. 13]

2. Ebiri omu 2 Obusingye 36:21 nibyoreka gye bita okuhikiirira kw’obunabi oburi omu Yeremia 25:8-11? [w06-E 11/15 rup. 32 kacw. 1-4]

3. Ebiri omu Ezera 3:1-6 nibiikirizana bita n’obuhame obundi obw’omu Byahandiikirwe oburikworeka ngu emyaka 70 ei Yerusaalemu yaabaire eine kumara eri amatongo ekahwa omu bwire obwo bwenyine? [w06-E 1/15 rup. 19 kacw. 2]

4. Ahabw’enki Ezera yaashobeirwe ku yaamanyire ngu Abaisraeli bakashwerana n’abanyamahanga? (Ezr. 9:1-3) [w06-E 1/15 rup. 20 kacw. 1]

5. “Abakungu” bakaba bari baahi, kandi ni miteekateekyere ki yaabo ei tushemereire kwetantara? (Neh. 3:5) [w06-E 2/1 rup. 10 kacw. 1; w86-E 2/15 rup. 25]

6. Omwebembezi Nehemia n’eky’okureeberaho kirungi ata aha bareeberezi Abakristaayo? (Neh. 5:14-19) [si-E rup. 90 kacw. 16]

7. Nk’Abaisraeli ab’omu bwire bwa Nehemia, nitubaasa kwetantara tuta okwehuzya ‘enju ya Ruhanga waitu?’ (Neh. 10:32-39) [w98-E 10/15 rup. 21-22 kacw. 12]

8. Okuteekateeka aha bi Nehemia yaakozire nikibaasa kutureetera kwebuuza bibuuzo ki? (Neh.13:31) [w96-E 9/15 rup. 17 kacw. 3]

9. Mbwenu shi Esteeri akashambana n’Omugabe Ahasuero? (Est. 2:14-17) [w91-E 1/1 rup. 31 kacw. 6]

10. Ahabw’enki Morodekai yaayangire kwinamira Hamani? (Est. 3: 2, 4) [it-2-E rup. 431 kacw. 7]