Ebimwe Ebirugire omu Buheereza

Kenya: Hakabaho okweyongyera omu murimo gw’okubuurira omuri Apuri. Ahabw’ababuurizi kuhigwa kuheereza nka baapayoniya abahwezi omuri Apuri kikareetera kubaho emibaro misya egi: Baapayoniya abahwezi 6,920, eshaaha 661,233, zaamagaziini 285,011, tukagarukayo aha bantu emirundi 188,847 twayegyesa Baibuli abantu 41,410. Ababuurizi abaahaireyo ripoota zaabo z’okubuurira omuri Apuri ni 24,198; ekirikworeka ngu omubaro gw’ababuurizi gukeyongyeraho ebicweka 6 ahari igana kandi omwaka gw’obuheereza ogu kwiha nigutandika ogu nigwo mubaro musya. Ebicweka nka 42 ahari igana eby’ababuurizi boona bakaheereza nka baapayoniya abahwezi nari ab’obutwire nari ab’omutaano nari abamiisani. Kandi abo abatarabaasize kuheereza nka baapayoniya abahwezi bakongyera aha kubuurira kwabo. Abaizire aha Kiijutsyo bakaba bari 66,364 kandi omubaro ogu gukakira aha gw’ababuurizi boona abari omuri Kenya emirundi nk’eshatu.

Uganda: Okutwarira hamwe hakabaho emibaro misya omuri Apuri. Ababuurizi 1,855 ahari 5,438 bakaheereza nka baapayoniya abahwezi. Omubaro ogu gukakiraho emirundi nk’ena aha gw’abo abaraheereizeho nka baapayoniya abahwezi omu kwezi kumwe! Omu kwezi okwo ababuurizi bakabuurira eshaaha 165,358, baagarukayo aha bantu emirundi 80,741 baayegyesa Baibuli abantu 15,222. Abaizire aha Kiijutsyo bakeyongyera baahika 21,393. Ka nikireeta okushemererwa kureeba abantu ba Yehova nibejumbira kimwe omu kubuurira “ekigambo”!​—Byak. 18:5.