Ebimwe Ebirugire omu Buheereza

Kenya: Omuri Agusto hakabaho omubaro musya gw’ababuurizi 24,926 kandi omu mwaka gw’obuheereza 2011 ababuurizi bakeeyongyeraho obucweka 3 ahari igana. Buri kwezi ababuurizi bakaba nibeegyesa Baibuli abantu nka 40,396 ekirikworeka ngu buri mubuurizi akaba naayegyesa Baibuli omuntu nk’omwe.

Uganda: Omuri Agusto hakabaho omubaro musya gw’ababuurizi 5,580 abaayejumbire omu kubuurira. Omu mwaka gw’obuheereza ogwahwaire ababuurizi bakeeyongyeraho obucweka 6 ahari igana. Omu mwaka ogwo, ababuurizi bakaba beegyesa Baibuli abantu nka 14,154 buri kwezi, ekirikworeka ngu abeegi ba Baibuli bakeeyongyeraho obucweka 10 ahari igana. Ka nikireeta okushemererwa okwejumba omu murimo gw’okushaaruura!​—Luka 10:2.