Ebirango

◼ Ebitabo by’okugaba omuri Febwari: Ababuurizi nibabaasa kugaba kamwe ahari obu: Is There a Creator Who Cares About You?, The Bible—God’s Word or Man’s?, nari Ekirikureeta Okushemererwa omu Ka. Maaci: Niki Eki Baibuli Buzima Erikwegyesa? Muteereho kutandika kwegyesa abantu Baibuli aha murundi gw’okubanza kubabuurira. Abu murikubuurira baaba baakatungire kwonka batarikwikiriza kwega Baibuli, nimubaasa kucwamu kubaha emwe ahari zaamagaziini enkuru nari burocuwa yoona ei baraakunde. Apuri na Mei: Watchtower na Awake! Abaraayorekye ngu nibenda kumanya ebirikukiraho, mubahe kaaturakiti Nooyenda Kumanya Amazima? kandi muteereho kutandika kubeegyesa Baibuli. Twagarukayo kutaayaayira abaijire aha Kiijutsyo n’abandi abarikwija omu nteerane ezindi kwonka abatarikukira kwija, tute omutima aha kutandika kubeegyesa Baibuli turikukoresa akatabo Eki Baibuli Erikwegyesa.

◼ Orubazo rw’omutaano nirwija kuheebwa aha sande eraakurate Ekiijutsyo kandi rwine omutwe “Emperu Eri Haihi Okukira oku Orikuteekateeka?”

◼ Waakora entebeekanisa kutaayaaya omu ihanga eritari omuri ago agari omu ripoota y’omwaka ensya nari eri endagiriro yaaryo etari mu yearbook ensya, nyabura ‘we buuza ofiisi y’eitaagi ey’eihanga ryawe kubaasa kutunga obuhabuzi aha bikwatiraine n’ebi oraayetantare nari ebi oraakuratire. Noobaasa kushanga omurimo gw’okubuurira omu ihanga eryo gurikuzibirwa. (Mat. 10:16) Omu mahanga agamwe nikibaasa kuba kitari ky’obwengye kutaayaayira ababuurizi nari ekibiina waaba oriyo. Obuhabuzi obumwe nibubaasa kukuheebwa aha bikwatiraine n’okubuurira kitaraariire nari okugyenda n’ebitabo by’okubuurira. Waagyendera aha buhabuzi obuhairwe, torikwija kutunga oburemeezi nari kuremesa omurimo gw’okubuurira omu ihanga eri otaayaayiremu.—1 Kor. 14:33, 40.