Eminyeeto Neebuuza​—Nimbaasa Kutunga Nta Abanywani Abaabuzima?

Yehova akahanga abantu barikubaasa kunywana kandi bakakora emikago. (Enf. 17:17; 18:1, 24) Twatoorana abanywani n’obwegyendesereza nikiija kutugasira. (Enf. 13:20) Bwanyima y’okureeba video Young People Ask​—How Can I Make Real Friends?, noobaasa kugarukamu ebibuuzo ebi.

Enturukiriro:

(1) Omunywani owaabuzima n’oha?

Ebirikuremesa Abantu Kutunga Abanywani:

(2) Noobaasa kusingura ota okwehurira nk’otarikukundwa? (Fil. 2:4) (3) Ahabw’enki tushemereire kuba tweteekateekire kuhindura aha mitwarize yaitu, kandi n’oha orikubaasa kutuhwera kukora ekyo? (2 Kor. 13:11) (4) Nitubaasa kukora ki kutunga abanywani baingi?​—2 Kor. 6:13.

Omukago Murungi na Ruhanga:

(5) Nitubaasa kugira tuta omukago murungi na Ruhanga, kandi ekyo nikirugamu birungi ki? (Zab. 34:8) (6) Twahindura Yehova munywani waitu owaabuzima, nitugira abanywani ba muringo ki?

Abanywani Ababi:

(7) Abanywani ababi ni baahi? (1 Kor. 15:33) (8) Abanywani babi nibabaasa kushiisha bata omukago gwaitu na Yehova?

Omuzaano:

(9) Ebiri omu Baibuli ebirikukwata ahari Dina nibitwegyesa ki? (Kut. 34:1, 2, 7, 19) (10) Tara akekwatsakwatsa ki kworeka ngu okunywana abatari Bakristaayo ti kibi? (11) Banywani ba Tara aha ishomero bakamuta mu kabi ki? (12) Niki ekyaremeise abazaire ba Tara kureeba akabi aku yaabaire arimu, kwonka ku baakamanyire bakagira miteekateekyere ki kumuhwera kugaruka kugira omukago murungi na Yehova? (13) Payoniya omwe akooreka ata ngu ni munywani wa Tara owaabuzima? (14) Tara akaija kwetegyereza ki ekyabaire nikitaana aha ku yaabaire naateekateeka omu kubanza?

Okuhendera:

(15) Oyegire ki omu vidiyo egi? (16) Noobaasa kukoresa ota vidiyo egi kuhwera abandi?

Ka tuteereho kutoorana abanywani abaraatuhwere kuguma twine omukago murungi na Ruhanga!​—Zab. 15:1, 4; Isa. 41:8.