Ebirango

◼ Ebitabo by’okugaba omuri Gyuni: Niki Eki Baibuli Buzima Erikwegyesa? nari kamwe ahari turakiti ezi: Baibuli noogitwara nka ki?, Niki ekirikwija kubaho omu biro by’omumaisho?, Niki ekirikureeta okushemererwa omu ka?, N’oha buzima orikutegyeka ensi? Okubonabona kuryahwaho!, nari Nooyenda Kumanya Amazima? kandi oteereho kutandika kwegyesa abantu Baibuli. Gyuraayi: Akatabo Amakuru Marungi Kuruga Ahari Ruhanga! nari emwe ahari burocuwa ezi: Hurikiza Ruhanga, Hurikiza Ruhanga Obone Kugumaho Ebiro Byona na N’Obaasa Kuba Munywani wa Ruhanga! Agusto: Okugaba turakiti ensya kumanyisa abantu ebiri aha mukura gwaitu jw.org. Omu bicweka ahu turakiti egi etarikukora gye omu kubuurira, akatabo Amakuru Marungi Kuruga Ahari Ruhanga! nari emwe ahari za burocuwa ezi neebaasa kukoresibwa: N’Obaasa Kuba Munywani wa Ruhanga!, Hurikiza Ruhanga nari Hurikiza Ruhanga Obone Kugumaho Ebiro Byona. Seputemba na Okitoba: Watchtower na Awake!

◼ Eishomero ry’Obuheereza Erya Baapayoniya eriraabeho kutandika n’omwaka gw’obuheereza ogwa 2014 gwaba niguza kuhendera, niriija kuba nirimara ebiro mukaaga byonka, kuruga Orwokubanza kuhitsya Orwamukaaga.

◼ Entebeekanisa y’oruteerane rw’obuheereza eya saabiiti eraakuratwe eraabemu oruteerane oruhango orw’ebiro bishatu neebaasa kuhindurwamu kugira ngu mweijutsye obuhabuzi oburi aha rupapura oruri omunda ya Obuheereza Bwaitu obw’Obukama obu hamwe n’omu baruha eyaayoherereziibwe ebibiina byona eya Agusto 3, 2013, eyaabaire neeyoreka ebiraaturinde kutahutara twaba turi omu nteerane. Bwanyima y’okwezi kumwe nari abiri oruteerane orwo ruhweire, obwire bw’ekicweka ky’ebyetengo by’ekibiina nibubaasa kukoresibwa kweijutsya enshonga nkuru ez’oruteerane oruhango ezi ababuurizi bashangire zirikuhwera omu kubuurira.