Yobu Akaguma Ari Omwesigwa obu Yaagyezibwa

Yobu akaba naatuura omuri Uuzi obu Abaisraeli baabaire bari abahuuku omuri Misri. N’obu Yobu yaabaire atari Omwisraeli, akaba naaramya Yehova kandi ari omwesigwa. Akaba aine eka mpango, aine ebintu bingi, kandi arikurangaanwa. Akaba naamanywa nk’omuhi w’obwengye kandi orikucwa emanja z’oburyo. Akaba agabira abooro n’abakyene. Yobu akaba ari omushaija omwesigwa.

Yobu akaba naakunda Yehova okukira ebindi byona

1:8-11, 22; 2:2-5

• Sitaane akareeba ngu Yobu n’omwesigwa. Taragizire ngu Yobu akaba atarikworobera Yehova; kureka akabangaanisa ekigyendererwa kya Yobu eky’okurinda obwesigwa

• Sitaane akooreka ngu Yobu akaba naaheereza Yehova ahabw’ekigyendererwa kitahikire

• Kubaasa kugarukamu okubangaanisa kwa Sitaane, Yehova akamwikiriza kubonabonesa Yobu omushaija owaabaire ari omwesigwa. Sitaane akacwekyereza ebintu bya Yobu byona

• Yobu ku yaagumire ari omwesigwa, Sitaane yaabangaanisa ekigyendererwa ky’abantu boona eky’okurinda obwesigwa

• Yobu tarakozire kibi, n’obu kwakuba okubarira Ruhanga okushobya.