Ebyeshongoro by’Obukama Nibituhwera Kugira Obumanzi

Paulo na Siila bakahimbisa Ruhanga barikweshongora obwo bari omu kihome. (Byak. 16:25) Ab’eishe-emwe bagyenzi baitu bakeeshongora ebyeshongoro by’Obukama obu baabaire bari omu kampu ya Sachsenhausen omuri Nazi Germany n’obu baabaire bari omu bukwatwa omuri Siberia. Eby’okureeberaho ebi byona nibyoreka oku ebyeshongoro birikuhwera Abakristaayo abaine oburemeezi kugira obumanzi.

Endimi ezindi nyingi naazo juba niziija kutunga ekitabo eky’ebyeshongoro ekisya ekirikwetwa “Sing Out Joyfully” to Jehovah. Ebyeshongoro byona ebi twine, nitubaasa kukwata ebigambo omu mitwe yaitu turikubyeshongora omu kuramya kwaitu kw’eka. (Efe 5:19) Twakora ekyo, omwoyo gurikwera nigwija kutuhwera kubyijuka twahikwaho oburemeezi. Ebyeshongoro by’Obukama nibibaasa kutuhwera kuta omutima aha matsiko gaitu. Nibibaasa kutuha amaani twahikwaho okugyezibwa. Kandi twaba tushemereirwe, ebigambo by’ebyeshongoro nibutuhwera kweshongorera kimwe tushemererwe ahabw’obunanukye omu mutima. (1Bus 15:16; Zab 33:1-3) Ka tukore kyona ekirikubaasika tukorese gye ebyeshongoro byaitu by’Obukama!

MUREEBE VIDIYO EKYESHONGORO EKYAHIGIRE ABAKOZI REERO MUGARUKYEMU EBIBUUZO EBI:

• Ni mbeera ki eyaretaire ow’eishe-emwe Frost kuhandiika ekyeshongoro?

• Ekyeshongoro kikahwera kita ab’eishe-emwe b’omu kampu ya Sachsenhausen?

• Ni mu mbeera ki ezi ebyeshongoro birikubaasa kukugaruramu amaani?

• Ni byeshongoro ki eby’Obukama ebi orikwenda kukwata omu mutwe?