Ekicweka 2

Ruhanga ow’Amazima n’Oha?

Hariho Ruhanga omwe ow’amazima, kandi eiziina rye ni Yehova. (Zaaburi 83:18) Aine omubiri gw’omwoyo; titurikubaasa kumureeba. Naatukunda kandi naayenda ngu naitwe tumukunde. Kandi naayenda ngu tukunde n’abantu abandi. (Matayo 22:35-40) N’ow’Obushoboorozi Bwona kandi Omuhangi w’ebintu byona.

Ou Ruhanga yaabandize kuhanga omu iguru nawe akaba aine omubiri gw’omwoyo, niwe yaizire akeetwa Yesu Kristo obu yaabaire ari omu nsi. Yehova akahanga na baamaraika.

Yehova Ruhanga akahanga enyonyoozi, ensi na buri kimwe ekiri omu nsi.​—Okutandika 1:1.

Akahanga omuntu w’okubanza omu nsi, Adamu, kuruga omu mucuucu.​—Okutandika 2:7.

Yehova akahanga buri kimwe ekiri omu iguru . . . n’omu nsi. Okushuuruurwa 4:11

Ahabw’enki tushemereire kuha Yehova ekitiinisa?​—Isaaya 42:5.

Emwe aha mitwarize ya Ruhanga n’eha?​—Okuruga 34:6.