Ekicweka 4

Ku Baahurikiize Sitaane Niki Ebyarugiremu?

Haawa akahurikiza enjoka yaarya aha kijuma. Bwanyima, akahaho Adamu nawe yaaryaho.

Eki baakozire kikaba kitahikire​—kikaba kiri ekibi. Ruhanga akababinga omu Paradiso.

Bakatandika kubonabona n’abaana baabo. Bakakaikura kandi baafa. Bwanyima y’okufa, tihaine mwanya ogundi ogu baagiiremu; tibaragumiizemu kubaho.

Adamu na Haawa bakafa ahakuba bakagomera Ruhanga. Okutandika 3:6, 23

Nitufa ahabw’okuba twena tukakomooka ahari Adamu na Haawa. Abafu tibarikubaasa kureeba, kuhurira nari kukora ekintu kyona.​—Omubuurizi 9:5, 10.

Kikaba kitari kigyendererwa kya Yehova ngu abantu bafe. Omu bwire butari bwa hare, Yehova naija kuzoora abaafiire. Ku baraamworobere, nibaija kugumaho ebiro byona.

Abafu tibaine magara nk’omucuucu. Okutandika 3:19

Ahabw’enki nitufa?​—Abarooma 5:12.

Okufa nikwija kuhwaho.​—1 Abakorinso 15:26.