Ekicweka 5

Omwegyemure gw’Amaani​—Ni Baahi Abaahurikiize? Ni Baahi Abatarahurikiize?

Adamu na Haawa bakazaara abaana kandi abantu baaba baingi omu nsi. Ku haahingwireho obwire, bamwe ahari baamaraika bakagoma bayegaita ahari Sitaane.

Bakaija omu nsi omu nshusha y’abantu kugira ngu bashwere abakazi. Abakazi abo bakazaara abaana abaabaire baine amaani maingi kandi barikutiinisa.

Ensi ekaijura abantu abaabaire bakora ebintu bibi. Baibuli neegira eti: ‘Obubi bw’abantu bukaba buri bwingi omu nsi na buri kiteekateeko ky’omu mitima yaabo kiri kibi obutoosha.’

Baingi omu bwire bwa Noa bakakora ebintu bibi. Okutandika 6:5

Noa akaba ari omushaija murungi. Yehova akagambira Noa ngu akaba naaza kucwekyereza ababi arikukoresa omwegyemure.

Kandi Ruhanga akagambira Noa kwombeka obwato buhango, oburikwetwa emeeri, reero akatamu eka ye n’enyamaishwa za buri muringo.

Noa akarabura abantu aha mwegyemure ogwabaire niguza kubaho kwonka tibarafiireyo. Abamwe bakamushekyerera kandi abandi baamwanga.

Emeeri ku yaahwaire kwombekwa, Noa yaatamu enyamaishwa.

Noa akahurikiza Ruhanga yaayombeka emeeri. Okutandika 6:13, 14, 18, 19, 22