Okubonabona Kuryahwaho?

EKI BAIBULI ERIKWEGYESA

“Ruhanga . . . aryaragaza amarira goona aha maisho gaabo; tiharibaho kufa bundi n’obu kwakuba okucura nari okurira nari obusaasi.”​—Okushuuruurwa 21:3, 4, Baibuli ey’Orunyankore-Rukiga, eya 1964.

OKU ORIKUGASIRWA WAIKIRIZA EKYO

Noogira obuhame ngu Ruhanga tiwe arikureetaho oburemeezi.​—Yakobo 1:13.

Okumanya ngu Ruhanga naakufaho waaba noobonabona nikikuhuumuriza.​—Zekaria 2:8.

Noogira amatsiko ngu okubonabona kwona nikwija kuhwaho.​—Zaaburi 37:9-11.

NITUBAASA KWIKIRIZA EKI BAIBULI ERIKUGAMBA?

Eego, ahabw’enshonga nka ibiri:

• Ruhanga naayanga okubonabona n’obutariburingaaniza. Reeba oku Yehova Ruhanga yaakwatsirweho obu abaheereza be baabaire nibabonabonesibwa. Baibuli neeyoreka ngu akashaasha ahabw’okugira ngu haine abaabaire “nibabatuntuza.”​—Abaramuzi 2:18.

  Ruhanga naayangira kimwe abo abarikutwariza kubi abandi. Nk’eky’okureeberaho, Baibuli neegira ngu “emikono esheesha eshagama y’abataine rubanja” n’ekirikunugwa ahariwe.​—Enfumu 6:16, 17.

• Ruhanga naafayo aha buri omwe. Omuntu tiwe wenka orikuba naamanya ‘obusaasi bwe,’ beitu na Yehova naaba naabumanya!​—2 Obusingye 6:29, 30.

  Yehova kurabira omu Bukama bwe ari haihi kumaraho oburemeezi bwa buri omwe. (Matayo 6:9, 10) Kwonka ekyo kitakabaireho, abo abarikumusherura naabahuumuriza.​—Ebyakozirwe 17:27; 2 Abakorinso 1:3, 4.