Ebirikwanjura Ekicweka 7

Ekicweka eki kirimu ebirikukwata aha byafaayo by’Omugabe Saulo hamwe n’Omugabe Daudi, ebyabaireho omu myaka nka 80. Omu kubanza, Saulo akaba ari omucureezi kandi arikworobera Ruhanga, kwonka bwanyima akahinduka kandi yaayanga kugyendera aha buhabuzi bwa Yehova. Yehova akamwanga kandi omu biro ebyo, akatuma Samueli kushuka ahari Daudi amajuta kuba omugabe wa Israeli omu mwanya gwa Saulo. Saulo akagira eihari kandi akateeraho emirundi mingi kwita Daudi, kwonka Daudi tarataireho kuhoora enzigu. Mutabani wa Saulo Yonasaani akaba naamanya ngu Yehova atooraine Daudi, n’ahabw’ekyo akaba ari omwesigwa ahari Daudi. Daudi akakora ebibi bimwe eby’amaani, kwonka akaikiriza kuhanwa Yehova. Waaba ori omuzaire, hwera omwana waawe kumanya obukuru bw’okushagika entebeekanisa za Ruhanga.