Ebirikwanjura Ekicweka 13

Yesu akaija omu nsi kuhayo amagara ge ahabw’abantu abatahikiriire. N’obu araabe yaafiire, akasingura ensi. Yehova akaba ari omwesigwa aha Mwana we kandi akamuzoora. Yesu akaheereza abandi omu bucureezi kandi akaba abasaasira ku baabaire baakora enshobe. Yesu ku yaazookire, akeeyoreka entumwa ze. Akabeegyesa oku baabaire baine kukora omurimo omukuru ogu yaabaire abahaire. Ku oraabe ori omuzaire, hwera omwana waawe kumanya ngu ni kikuru naitwe kukora omurimo ogwo obunaku obu.