Enteerane z’Omutaano

OKUHEEREZA AHA BESEELI Ababuurizi ababatiziibwe kandi abarikwikirizibwa kutuura omu ihanga eri, abaine emyaka 35 n’okugarura ahansi abarikwenda kuheereza aha Beseeli, baine kwetebeekanisa kuza omu ruteerane rw’abarikwenda kuheereza aha Beseeli oruraabeho Orwamukaaga omu ihangwe. Eshaaha n’omwanya oguraabemu oruteerane oru nibiija kubamanyisibwa.

EISHOMERO RY’ABABUURIZI B’OBUKAMA Baapayoniya abaine emyaka 23 kuhika ahari 65 abarikwenda kwongyera aha buheereza bwabo nibeetwa kuza omu ruteerane rw’abarikwenda kuza omu Ishomero ry’Ababuurizi b’Obukama aha Sande omu ihangwe. Eshaaha n’omwanya oguraabemu oruteerane oru nibiija kubamanyisibwa.

EBI ABAIJA OMU RUTEERANE BAINE KUMANYA

ABAHWEZI Waaba nooyenda kuhwera aha mirimo aha ruteerane oru, manyisa abarikukora aha by’okuhwera.

ABARIKWAKIIRA ABANTU Abarikwakiira abantu bariho kukuhwera. Nooshabwa kukwatanisa nabo aha bikwatiraine n’ah’okwemereza ebiiruka, emihanda y’okurabamu omu mwanya gw’oruteerane, okukwata emyanya, n’ebindi.

EBIBUZIRE N’EBIZOIRWE Byona ebiraashangwe bibuzire biine kuheebwa abarikukora aha bibuzire n’ebizoirwe. Waaba oine ekyakuburaho bahikyeho. Waashanga omwana obuzire aha bazaire be, nyabura ’we mutwarire abarikukora aha bibuzire n’ebizoirwe. Kwonka ab’eishe-emwe aba tib’okureeberera abaana. N’ahabw’ekyo nimushabwa kureeberera abaana baanyu, kandi mukaguma nabo.

OBUJANJABI OBW’AHONAAHO Nyabura ’we ijuka ngu obujanjabi obu nibuheebwa ABAINE KUHWERWA AHONAAHO BONKA.

OKUBATIZIBWA Emyanya y’abarikuza kubatizibwa neija kuba eri omu maisho haihi na puratifoomu, okwihaho kyayorekwa okundi. Bashemereire kushutama omu myanya yaabo aha Rwamukaaga omu kasheeshe orubazo rw’okubatiza rutakatandikire. Buri omwe ashemereire kureeta etauro n’ebijwaro by’okubatirizibwamu ebishemeire.

OKUHAYO Habaireho enshohoza kubaasa kuteebekanisa omwanya ogurimu oruteerane oru, ebyoma ebirikutunguura amaraka, ebya vidiyo, n’obuheereza obundi oburaatubaasise kugira oruteerane rurungi n’okwirira haihi Yehova. Ebi murikuhayo mwekundiire nibihwera omu nshohoza egi n’okushagika omurimo ogurikukorwa omu nsi yoona. Hariho obubokisi bw’okutamu eby’okuhayo omu mwanya gw’oruteerane oru. Eby’okuhayo byanyu byona nibisiimwa. Kandi Akakiiko Akareeberezi nikabasiima ahabw’okuhayo kushagika omurimo gw’Obukama.

OKUSHUTAMA Nooshabwa kufayo aha bandi. Noobaasa kukwatira emyanya abu waija nabo, abu orikutuura nabo nari abu orikwega nabo Baibuli. Nyabura ’we otata ebintu aha mwanya ogu otaakwata.

Otaruha!

Oruteerane Oruhango orw’Abajurizi Orwa 2017

Rutebeekanisiibwe Akakiiko Akareeberezi ak’Abajurizi ba Yehova