Okutatiina

Eki Yesu Yaakozire

VIDIYO: Yesu Okubuurira Zakaayo

1. Reeba VIDIYO, nari shoma Luka 19:1-7. Bwanyima oyetegyereze ebibuuzo ebirikukurataho:

1. Ahabw’enki abantu abamwe barikubaasa kuba baabaire batarikukunda Zakaayo?

2. Niki ekyahigire Yesu kufayo kubuurira Zakaayo amakuru marungi?

Nitwegyera ki Ahari Yesu?

2. Twine kuba tutarikutiina kubaasa kubuurira buri omwe amakuru g’Obukama tutarikushoroora.

Tooreza Yesu

3. Yesigye Yehova. Omwoyo gurikwera gukaha Yesu amaani g’okubuurira, naiwe nigubaasa kukuha amaani. (Mat. 10:19, 20; Luk. 4:18) Shaba Yehova kukuhwera kutatiina kubuurira abarikureebeka nk’abarikutiinisa.​—Byak. 4:29.

4. Otabangaanisa kare aha bantu. Noobaasa kutimwimwa kugamba n’abantu abamwe ahabw’endeebeka yaabo, esente ezi baine, entwaza yaabo, nari enyikiriza zaabo z’ediini. Kwonka ijuka ngu:

1. Yehova na Yesu nibabaasa kushoma emitima y’abantu, kwonka itwe titurikubaasa.

2. Yehova naabaasa kugirira omuntu weena embabazi.

5. Ringaaniza okutatiina n’okwegyendesereza n’obwerinzi. (Mat. 10:16) Yetantare okuteera empaka. Hendera ekigaaniiro omu muringo murungi, omuntu yaaba atarikwenda kuhurikiza amakuru marungi, nari waareeba ngu nihabaasa kurugamu akabi.​—Enf. 17:14.