Ebi Twakubaasa Kugamba Turikugaba Zaamagaziini

The Watchtower Gyun. 15

“Waakireebire ngu eriigyenda abantu baingi nibeeteeraho emitindo yaabo ey’ekihikire n’ekigwire? [Muhe akaanya agarukyemu.] Obu ni bumwe aha buhabuzi obutarikuhanguura oburikushangwa omu Baibuli. [Shoma ekyahandiikirwe kuruga omu kabokisi akari aha rupapura 6-7.] Magaziini egi neeshoboorora oku turikugasirwa ku turikugyendera aha mitindo ya Baibuli erikukwata aha micwe.”

Awake! Gyun.

“Twena nitwetenga empiiha okugumaho turi abahuriire. Nooteekateeka ngu nikibaasika omuntu okwemereza omutima ekirenga aha bikwatiraine n’okukora empiiha? [Muhe akaanya agarukyemu.] Reeba eki eki kirikugamba aha birikuruga omu kusherura obutungi. [Shoma 1 Timoseo 6:10.] Magaziini egi neegamba aha miringo y’oburyo ei orikubaasa kutuubyamu enshohoza yaawe, otyo okabaho aha mpiiha nkye.”

The Watchtower Gyur. 1

“Waareebuurize ahabw’enki abantu nibabonabonesibwa ahabw’okugira ngu n’ab’oruganda orundi nari eihanga erindi nari ahabw’okugira ngu nibagamba orurimi orundi? [Muhe akaanya agarukyemu.] Reeba enshonga erikuheebwa aha. [Shoma 1 Yohaana 4:20.] Magaziini egi neegarukamu ekibuuzo, Obumwe omu nganda nibubaasika?”

Awake! Gyur.

“Obutashushana n’enyamaishwa ezitarikuteekateeka, abantu bo nibabaasa kucwamu emitindo ei baraagyendereho. Nooteekateeka ngu obuhabuzi oburikwesigwa nitubaasa kubwiha hi? [Muhe akaanya agarukyemu. Ku araaheze, mushomere Zaaburi 119:105.] Magaziini egi neeshoboorora aha bukuru bw’obuhabuzi oburikushangwa omu Baibuli.”