Ebi Turikubaasa Kugamba Turikugaba Magaziini

The Watchtower Jenwari 1

“Nooteekateeka ngu Ruhanga naafayo aha kushiishwa kw’obuhangwa bw’ensi? [Tegyereza agarukyemu reero omushomere Okushuuruurwa 11:18.] Ebiri ahansi y’omutwe ogu nibyoreka enshonga kuruga omu Byahandiikirwe ahabw’enki twine kugira amatsiko aha biro by’omumaisho eby’ensi egi.” Mworekye ebiri aha rupapura 18.

Awake! Jenwari

“Abantu baingi ku barikutunga oburemeezi, bagira ngu Ruhanga niwe arikuba yaabafubira. Naiwe oraateekateekire otyo? [Tegyereza agarukyemu reero omushomere Yakobo 1:13.] Ebiri ahansi y’omutwe ogu nibishoboorora oburugo bwenyine obw’oburemeezi kandi n’enshonga ahabw’enki nitubaasa kugira obwesigye ngu oburemeezi bwona obu twine nibuza kuhwaho juba.” Mworekye ebirikutandikira aha rupapura 28.

The Watchtower Febwari 1

“Nooteekateeka ngu amadiini goona nigashemeza Ruhanga? [Tegyereza agarukyemu.] Yetegyereze ebigambo ebi ebyagambirwe Yesu. [Shoma Matayo 15:8, 9.] Ebiri ahansi y’omutwe ogu nibyoreka yaaba Ruhanga naasiima okuramya okw’emiringo yoona.” Mworekye ebiri aha rupapura 9.

Awake! Febwari

“Buri kintu kyona ekiri omu nsi nikyoreka ngu ensi ekahangwa kutuurwamu. Nooteekateeka ngu ebintu bikabaho bubaho, nari noikiriza ngu haine Owabihangire? [Tegyereza agarukyemu.] Abantu baingi nibaikirizana n’ekyahandiikirwe eki. [Mushomere Zaaburi 104:24.] Magaziini egi neeyoreka oku sayansi n’Ebyahandiikirwe birikuhamya ngu hariho Omuhangi.”