Ebi Turikubaasa Kugamba Turikugaba Zaamagaziini

The Watchtower Jenwari 1

“Nooteekateeka ngu ensi neebaasa kuba omwanya murungi, abantu boona baagyendera aha musingye gw’omuri Baibuli ogu? [Mushomere Abarooma 12:18 reero otegyereze agarukyemu.] Oreebuurize ahabw’enki ira Ruhanga obumwe yaabaire aragiira abantu be kuza kuteenga orugamba? Magaziini egi neeha eky’okugarukamu ekihikire kuruga omuri Baibuli.” Mworekye ebirikutandikira aha rupapura 13.

Awake! Jenwari

Shoma Ebyakozirwe 17:31a reero ogire oti: “Abantu baingi nibatiina Ekiro ky’Okucweraho Orubanja. Iwe ekiro ekyo nookiteekateekaho ki? [Tegyereza agarukyemu.] Baibuli neeyegyesa ngu Ekiro ky’Okucweraho Orubanja nikiija kureeta emigisha mingi omu nsi. Ebiri ahansi y’omutwe ogu nibishoboorora aha nshonga egyo.” Mworekye ebirikutandikira aha rupapura 10.

The Watchtower Febwari 1

“Abantu baingi baine amatsiko g’okuza omu eiguru baafa. Amatsiko nk’ago nigakushemeza? [Tegyereza agarukyemu.] Reeba eki Baibuli erikugamba ekirikwija kuheebwa abantu baingi abarikukora ebirungi. [Shoma Zaaburi 37:29.] Magaziini egi neshoboorora eki Baibuli erikugamba ahari abo abarikuza omu eiguru n’eki barikuza kukorayo.”

Awake! Febwari

“Okugaitururwa kukanyire ebiro ebi. Nooteekateeka ngu abashweraine baingi nibabanza baateekateeka aha birikurugamu batakacwiremu kugaitururwa? [Tegyereza agarukyemu reero omushomere Enfumu 14:15.] Magaziini egi neeyoreka enshonga ina ezi abashweraine baine kwijuka baaba nibateekateeka aha kucwamu kugaitururwa.”