Baibuli—Eki Amaani Gaayo Garikubaasa Kukora omu Magara Gaawe
Baibuli ehwereire abantu nyamwingi kuhindura amagara gaabo kuba marungi. Ni misingye ki ya Baibuli erikubaasa kutuhwera kushoboorora oburemeezi omu bunaku obu twagikuratira? Hatariho kubangaanisa noija kushemererwa kutunga eby’okugarukamu by’ekibuuzo ekyo orikukoresa ekicweka kya kabiri ekirikwetwa The Bible–its Power in Your Life ekya vidiyo erimu ebicweka bishatu erikwetwa The Bible–A Book of Fact and Prophecy. Waaheza kugireeba, noobaasa kugarukamu ebibuuzo ebi?
(1) Ahabw’enki Baibuli neekira aha kuba ekitabo kirungi kwonka? (Heb. 4:12) (2) Baibuli ku eraabe neebaasa kuhwera abantu kugira amagara marungi, ahabw’enki hariho oburemeezi bwingi? (3) Omutwe gwa Baibuli omukuru ni guuha? (4) Ni Byahandiikirwe ki ebyorekirwe ebirikubaasa kuhwera abari omu bushwere (a) kwongyera kushemeza omuringo ogu barikugaaniiramu (b) n’okwerinda kugira ekiniga kingi? (5) Oku Abakristaayo barikutwara obushwere nikwongyera kuta okushemererwa omu ka? (Efe. 5:28, 29) (6) Yehova ateereireho ata abazaire eky’okureeberaho kirungi? (Mak. 1:9-11) (7) Abazaire nibabaasa kureetera bata ab’omuka kukunda okwega kw’eka? (8) Oyihireho okwega Baibuli, niki ekindi eki Ekigambo kya Ruhanga kirikuhiga abazaire kuha abaana baabo? (9) Obuhabuzi bwa Baibuli nibubaasa kuhwera buta amaka kwebeisaho omu byentaatsya? (10) Ni misingye ki ey’omu Byahandiikirwe erikukwata aha bwecumi, okukoresa emibazi y’ekitabura bwonko, okukoresa kubi ebirikusinza, n’aha kwerarikirira erikubaasa kutuhwera kutuubya endwara twagigyenderaho? (11) Ni biraganiso ki eby’omu Baibuli ebirikubaasa kutuhwera kugumisiriza? (Yob. 33:25; Zab. 145:16) (12) Enyegyesa z’omu Kigambo kya Ruhanga zikuhwereire zita kukora empindahinduka omu magara gaawe? (13) Noobaasa kukoresa ota vidiyo egi kuhwera abandi?