RAIBURARE Y'AHA INTANEETI eya Watchtower
Omunaara gw'Omurinzi
RAIBURARE Y'AHA INTANEETI
Runyankore
  • BAIBULI
  • EBITABO
  • ENTEERANE
  • km 7/11 rup. 1
  • Mube ‘Abanyambabazi’

Vidiyo ei waatoorana teriho.

Haine ekyashoba omu kutaho vidiyo.

  • Mube ‘Abanyambabazi’
  • Obuheereza Bwaitu obw’Obukama—2011
  • Ebirikushushana
  • Gira Esaasi nka Yehova
    Omunaara gw’Omurinzi Ogurikuranga Obukama Bwa Yehova (ogwʼOkwega)—2017
  • Girira Esaasi “abantu boona”
    Omunaara gw’Omurinzi Ogurikuranga Obukama Bwa Yehova (OgwʼOkwega)—2018
  • Oyetebeekanisiize Okubonabona Kwingi?
    Omunaara gw’Omurinzi Ogurikuranga Obukama Bwa Yehova (OgwʼOkwega)—2023
  • Ekyabaireho
    Omunaara gw’Omurinzi Ogurikuranga Obukama Bwa Yehova (OgwʼOkwega)—2023
Obuheereza Bwaitu obw’Obukama—2011
km 7/11 rup. 1

Mube ‘Abanyambabazi’

1. Abantu baine kyetengo ki?

1 Omu byafaayo tikikabahoga abantu baingi kugira ekyetengo ky’okuhwerwa omu muringo gw’embabazi nk’oku kiri hati. Embeera kweyongyera kuba mbi kirugiiremu abantu kutagira okushemererwa, kugira amaganya n’okutagira amatsiko. Abantu baingi nibeetenga obuhwezi, kandi itwe nk’Abakristaayo nitubaasa kworeka bataahi baitu ngu buzima nitubafaho. (Mat. 22:39; Gal. 6:10) Nitubaasa kworeka tuta ngu nitubafaho?

2. Ni muringo ki ogurikukirayo oburungi ogu turikubaasa kugiriramu abantu embabazi?

2 Omurimo gw’Okworeka Embabazi: Ruhanga niwe wenka orikuha okuhuumuriza okwabuzima kandi okw’obutwire. (2 Kor. 1:3, 4) Yehova naatuhiga kumutooreza turikuba ‘abanyambabazi’ kandi atuhaire omurimo gw’okutaayaayira bataahi baitu kubagambira amakuru marungi g’Obukama. (1 Pet. 3:8) Okwejumbira kimwe omu murimo ogu nigwo muringo ogurikukirayo ogurikutubaasisa kuhuumuriza “abacwekire emitima,” ahabw’okuba Obukama bwa Ruhanga nigo matsiko gonka agaabuzima ahari abo abarikubonabona. (Isa. 61:1) Ahabw’okugira ngu Yehova ainiire abantu be embabazi, juba naija kwihaho obubi kandi areeteho ensi ensya ehikiriire.—2 Pet. 3:13.

3. Nitubaasa kutooreza tuta omuringo ogu Yesu yaabaire areebamu abantu?

3 Reeba Abantu nk’Oku Yesu Yaabaire Abareeba: N’obu yaabaire aba naabuurira abantu baingi munonga, Yesu akaba atabareeba nk’abaine embeera zirikushushana. Buri omwe akaba amureeba nk’orikwetenga obuhwezi kubaasa kugira omukago murungi na Ruhanga. Bakaba bari nk’entaama ezitaine muriisa w’okuzeebembera. Yesu akakwatwaho ahabw’ebi yaarebire kandi kyamureetera kubeegyesa n’okugumisiriza. (Mak. 6:34) Twareeba abantu nk’oku Yesu yaabaire abareeba nikiija kutuhiga kugirira buri omwe embabazi ezaabuzima. Eki nikiija kureeberwa omu muringo ogu turikugambamu nabo n’omu mireebere yaitu. Nitwija kwebembeza okubuurira kandi nitwija kuhindahindura omu bigambo byaitu kureeba ngu byahikaana n’embeera ya buri omwe.—1 Kor. 9:19-23.

4. Ahabw’enki tushemereire kugirira abandi embabazi?

4 Omutwe muhango gw’abantu kuruga omu mahanga goona nibaikiriza amakuru g’Obukama n’okuhuumurizibwa oku barikutunga. Twagumizamu nitugirira abandi embabazi, nitwija kushemeza Ruhanga waitu ow’embabazi Yehova kandi tumuhaise ekitiinisa.— Kol. 3:12.

    Ebitabo Ebiri omu Runyankore (1996-2025)
    Shohora
    Taahamu
    • Runyankore
    • Yoherereza ondiijjo
    • Ebi Orikukunda
    • Copyright © 2025 Watch Tower Bible and Tract Society of Pennsylvania
    • Ebiine Kukuratirwa
    • Okurinda Ebirikukukwataho
    • Privacy Settings
    • JW.ORG
    • Taahamu
    Yoherereza ondiijjo