Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Novemba

“Nooteekateeka ngu abantu abarikuteeraho kworobera Ruhanga baine okushemererwa? [Tegyereza agarukyemu.] Ekicweka eki kirimu enshonga zimwe ezirikushemeza.” Muhe Watchtower eya Novemba 1, reero mushome kandi muhikaanise ebiteekateeko hamwe aha biri ahansi ya gumwe aha mitwe eri aha rupapura 16-17. Mushome hamwe ekyahandiikirwe kimwe aha byorekirwe. Muhe zaamagaziini kandi okore entebeekanisa kugarukayo mukahikaanisa ebiteekateeko aha kibuuzo ekindi. Mwaba mutakatungire Watchtower eya Novemba 1, mukorese ensya ei muhereerukire kutunga n’enyanjura erikuhikaana nayo eri omu Obuheereza Bwaitu obw’Obukama.

The Watchtower Novemba 1

“Abamwe nibagira ngu ebi Baibuli Erikugamba aha by’Okuteerana bikahwa aha murembe kandi ngu nibiremesa. Abandi nibaikirizana n’ebi Baibuli erikugamba. Iwe nookigambaho ki? [Tegyereza agarukyemu.] Yetegyereze eki ekyahandiikirwe eki kirikugamba aha bukomooko bw’emitindo ya Baibuli. [Mushomere 2 Timoseo 3:16.] Magaziini egi neeyoreka oku Baibuli erikugarukamu ebibuuzo ikumi ebirikukira kubuuzibwa aha bikwatiraine n’eby’okuteerana. Kandi neeshoboorora oku emitindo ya Baibuli erikutugasira.”

Awake! Novemba

“Twayetegyereza gye ebyahangirwe ebitwetooroire, nibituhwera kumanya ngu hariho Omuhangi nari ngu bikabaho byonka? [Tegyereza agarukyemu.] Eki nikyo omuhandiiki wa Baibuli omwe yaagambire bwanyima y’okwetegyereza ebyahangirwe. [Mushomere Abarooma 1:20.] Magaziini egi neeshoboorora eki aba sayansi bajumbwire aha katafaari k’omubiri gw’omuntu ekirikwongyera kushoboorora aha nshonga egi.”