Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Desemba

“Ningira noikiriza ngu buri omwe naayetenga kugira abanywani. Ni mutwarize ki omukuru ogu iwe orikwenda ngu munywani waawe abe aine? [Tegyereza agarukyemu.] Yetegyereze eki magaziini egi erikugamba ahabw’enki tushemereire kutoorana abanywani n’obwegyendesereza.” Muhe Watchtower eya Desemba 1 reero mushome kandi muhikaanise ebiteekateeko hamwe aha biri ahansi y’omutwe ogurikubanza aha rupapura 16. Mushome hamwe ekyahandiikirwe kimwe aha byorekirwe. Muhe zaamagaziini kandi okore entebeekanisa kugarukayo mukahikaanisa ebiteekateeko aha kibuuzo ekindi.

The Watchtower Desemba 1

“Oreebuurizeho ahabw’enki omu bunaku obu nihabaho ebihikiirizi bingi? [Tegyereza agarukyemu.] Ira Baibuli ekagamba aha bwire obu haakubaireho ebihikiirizi bingi. [Shoma Matayo 24:7, 8.] Magaziini egi neegarukamu ebibuuzo ebi: Ahabw’enki nitureeba nihabaho ebihikiirizi bingi omu bunaku obu? N’ekifubiro kuruga ahari Ruhanga? Niki ebirikutureetera kuhamya ngu Ruhanga ari haihi kumaraho ebihikiirizi?”

Awake! Desemba

Shoma 2 Timoseo 3:16, reero ogire oti: “Abamwe nibaikiriza ngu Baibuli ekahandiikisibwa Ruhanga kwonka abamwe tibarikukiikiriza. Iwe ekyo nookigambaho ki? [Tegyereza agarukyemu.] N’obu ebiteekateeko by’abantu aha kibuuzo ekyo biraabe nibitaana, baingi nibaikiriza ngu abantu bateireho kumaraho Baibuli okukira ebitabo ebindi byona. Magaziini egi neeshoboorora oku abantu bateireho kumaraho Baibuli n’okuremesa abantu kugishoma kumara emyaka mingi. Kandi neeshoboorora enshonga ahabw’enki batabaasize kugimaraho.”