Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Apuri

“Amadiini g’Ekikristaayo amaingi nigabatiza. Nooteekateeka ngu okubatiza ni kikuru? [Tegyereza agarukyemu.] Ekicweka eki kirimu enshonga zirikushemeza ezirikukwata aha kubatiza.” Mushome hamwe ebiri omu Watchtower eya Apuri 1, ahansi y’omutwe omukye ogurikubanza aha rupapura 16 n’ekyahandiikirwe kimwe aha byorekirwe. Muhe zaamagaziini kandi otebeekanise kugarukayo mugarukemu ekibuuzo ekindi.

The Watchtower Apuri 1

“Abantu nibagamba ahari Yesu ebitarikushushana. Abamwe nibateekateeka ngu akaba ari Mesia owaaraganisiibwe. Abandi bagira ngu akaba ari omuntu murungi kwonka. Kandi abamwe nibagira ngu tarabaireho. Iwe noomutwara ota? [Tegyereza agarukyemu.] Baibuli neegira ngu ni kikuru kumanya amazima agarikumukwataho. [Shoma Yohaana 17:3.] Magaziini egi neeyoreka eby’okugarukamu kuruga omu Baibuli eby’ebibuuzo ebimwe ebirikukwata ahari Yesu.”

Awake! Apuri

“Noikiriza ngu amaka garimu oburemeezi bwingi obunaku obu? [Tegyereza agarukyemu.] Yetegyereze ahu amaka maingi gaihire obuhabuzi burungi. [Shoma Zaaburi 119:105.] Magaziini egi neeyoreka oku amaka agamwe agarimu baka ishe abaana gabaasize kusingura oburemeezi nk’obwo garikugyendera aha misingye ya Baibuli.”